ISIKELI 34-ын алдартай Библийн эшлэлүүд

Хуваалцах

Ka'u na vakasaqara oqori sa yali, ka vakauta tale mai oqori sa vakasevi, ka'u na vauca oqori sa ramusu, ka'u na vakaukauwataka oqori sa malumalumu: ia ka'u na vakarusa oqori sa dro ka kaukauwa; ka'u na vakani ira e na cudru.

Me vaka sa vakasaqara na nona qele ni sipi nai vakatawa e na siga sa tiko kina e na kedra maliwa na nona sipi sa veiseyaki; au na vakasaqara vakakina na noqu qele ni sipi, ka kaliraki ira mai na veiyasana kecega era sa dui veiseyaki kina e na siga loaloa ka butobuto.

Ni sa kaya vakaoqo na Turaga ko Jiova; Raica, koi au, io koi au, ka'u na taroga na noqu sipi, ka vakasaqarai ira.

Oi au, ka'u na vakania na noqu qele ni sipi, io koi au, ka'u na vakadavori ira tiko, sa kaya na Turaga ko Jiova.

Ia koi kemudou na noqu qele ni sipi, na sipi ni noqu vanua veico, dou sa tamata ga, ia koi au, au sa nomudou Kalou, sa kaya na Turaga ko Jiova.

Ko iko na luve ni tamata, mo parofisaitaka na ca vei ira na nodra i vakatawa na Isireli, mo ia na parofisai, ka kaya vei ira, Sa kaya vakaoqo na Turaga ko Jiova vei ira nai vakatawa; Ena ca ko ira na nodra i vakatawa na Isireli era sa vakani ira ga vakataki ira! sa sega li ni dodonu me ra vakania na qele ni sipi ko ira nai vakatawa?