Nm 16-ын алдартай Библийн эшлэлүүд

Хуваалцах

Palta toto 'ay tas satjub'tac 'oj sb'o Jehová, 'oj jacwc sti lum lum tic, ax sb'u'n 'ejm lum eb' 'anma tic yet' smasnil tas 'ay 'a 'a, pitznto eb' ax s'atcn eb' 'a yol lu'um. Ax eyojcan 'eli, to atn eb' 'anma tic 'ix meltzj 'och 'ajc'ojlal 'a Jehová, xchi Moisés. Cojn wal xlajw yaln Moisés jun tzo'n̈ paxti tic, 'ix jat lum lum 'a yaln̈ eb' x'och smul cha. 'Ix sb'u'n can 'ejm lum win Coré yet' eb' 'anma 'ix ya'ch sb'a yet'oc, 'ix 'atcn eb' 'a yol lum yet' yunnal yet' pax smasnil tas 'ay 'a eb'.

'Ay jun win levita yin̈tl can Coat, tzcuch Coré, yunnal jun win tzcuch Izhar, yet' pax 'oxwn̈ xo eb' yin̈tl Rubén, atn Datán yet' Abiram yunnal Eliab eb', yet' pax On win yunnal Pelet. 'Ix 'och eb' 'ajc'ojlal 'a Moisés. 'Ay junx 250 eb' yit israelal eb' 'aych yopiso 'a scal eb' chon̈b' cha, locn eb' tzaln yuj junc tas 'a scal eb' chon̈ab', palta 'ix ya'ch sb'a eb' yet' win Coré cha.