1
Dt 28:1
Chuj San Sebastian Bible
CSS
Toto caw yel, yiclum 'oj eyutc e b'a 'a Jehová qui Diosalec, ax e b'eylb'an smasnil jun tzo'n̈ schecnb'il tzwalcn 'ayx tic, toto 'ixta', caw niwn 'oj eyaj 'el'ch yuj 'a yib'n̈ jun tzo'n̈ xo nacion̈ 'a yolyib'n̈q'uinl tic.
Харьцуулах
Dt 28:1 г судлах
2
Dt 28:2
An̈jtona smasnil jun tzo'n̈ yaxilal 'oj wal tic, 'oj jawc 'a eyib'an̈, toto 'oj eyiclc tas xyal Jehová qui Diosalec.
Dt 28:2 г судлах
3
Dt 28:13
Toto tzeyiclj smasnil schecnb'il Jehová qui Diosalec, atn smasnil jun tzo'n̈ xwal 'ayx tic, to 'ixta', 'oj ex ya'cn 'a b'ab'el, man̈oc to 'a slajb' 'oj e cani; caw niwn 'oj eyaj 'el'ch 'a yib'n̈ jun tzo'n̈ xo nacion̈, may b'a'n̈ 'oj e can 'a yalan̈.
Dt 28:13 г судлах
4
Dt 28:12
'Oj sjac wal satchan̈ 'aj 'ay sricoal, ax yem 'a eyib'n̈ 'icha yem n̈ab' 'a yib'n̈ lum lum 'a stiempoal, yic caw wach' tz'aj smasnil e munljel. 'Oj stac' eya'n majnil 'a jun tzo'n̈ xo nacion̈, palta ax xo tic, may tas 'oj e c'an e majnc 'a junc xo mach.
Dt 28:12 г судлах
5
Dt 28:7
A eb' 'ajc'ojl yajch 'ayex, a Jehová 'oj 'a'nc 'och eb' 'a yol e c'ab', yic 'oj ya'nc cob' eb' owl eyet'oc. Caw stzol-l 'oj 'aj eb' scot 'ayex, palta caw sactzicnac 'oj 'aj eb' s'at 'elc eyu'uj.
Dt 28:7 г судлах
6
Dt 28:8
A Jehová 'oj ya' cot syaxilal 'a yib'n̈ e c'un̈a yet' 'a yib'n̈ smasnil tas tze b'o'o. 'Ixta wal 'oj yutc ya'n e tzaljc'ojlal 'a sat lum lum 'oj yac' 'ayx cha.
Dt 28:8 г судлах
7
Dt 28:6
'Oj yac' syaxilal 'a eyib'n̈ 'aj tzex laj 'ati yet' 'aj tzex laj japxi.
Dt 28:6 г судлах
8
Dt 28:3
'Oj 'ajxoc yaxilal 'a eyib'n̈ 'a yol e chon̈ab', yet' 'a 'ajtil tzex munlji.
Dt 28:3 г судлах
9
Dt 28:4
'Oj 'ajxoc yaxilal 'a yib'n̈ eb' eyunnal, 'a yib'n̈ smasnil eyawb'en, 'a yib'n̈ e cotc wacax, e cotc calnelu, e cotc chiwo yet' 'a yib'n̈ yune smasnil jun tzo'n̈ xo e cajb'en noc'.
Dt 28:4 г судлах
10
Dt 28:9
Toto tzeyiclj smasnil schecnb'il Jehová, tze b'eylb'an pax sb'eyb'al, 'oj ex yalch schon̈b'oc, 'icha wal yutjnac yaln cani.
Dt 28:9 г судлах
11
Dt 28:5
'Oj yac' Dios syaxilal 'a yib'n̈ e trigo, e cebada yet' 'a yib'n̈ smasnil tas tze c'uxu.
Dt 28:5 г судлах
12
Dt 28:11
A Jehová caw 'oj sch'ox swach'c'ojlal 'ayex, til wal 'oj 'aj eyunnal. Til wal 'oj 'aj yune e cajb'en noc'. Til wal pax 'oj 'aj sat eyawb'en 'a sat lum lum 'aj ya'jnac sti ya'n 'a eb' qui mam quichmec.
Dt 28:11 г судлах
13
Dt 28:10
Toto 'ixta', ax smasnil eb' nacion̈ 'ay 'a yolyib'n̈q'uinl tic, 'oj yojcoc 'el eb' chajtlto sic'b'ilx 'el yuj Jehová, yuj cha, caw 'oj xiw eb' 'ayex.
Dt 28:10 г судлах
14
Dt 28:14
'Ixta wal 'oj eyaji, toto matz eyij 'el e b'a 'a jun tzo'n̈ cuynb'il tic, yic matz ex 'och tza'n yuj eb' comn dios, matz eyac' pax 'emmquilal 'a jun tzo'n̈ cha.
Dt 28:14 г судлах
15
Dt 28:15
Palta toto ma'oj eyiclc smasnil schecnb'il yet' sley Jehová qui Diosalec, atn jun tzo'n̈ wan waln 'ayx tic, to 'ixta', 'oj jawc wal jun tzo'n̈ scatb' 'a eyib'an̈
Dt 28:15 г судлах