Ap 7-ын алдартай Библийн эшлэлүүд

Хуваалцах

Mane'e ca'li yem da'me dojo' qama'le jauana ga'me jiyaĝadipi let'adaic jo'ne qaya'te yaqanatet ta'le noloqoten, jo'ne qoyachiyoĝotauelo yemeda jogaa'me noyaqa let'adayaqa nataq'aen yodapecache da'me neqomyaĝa'j nataq'aen yodapecache naa'me 'loyaĝaco naa'me 'laqataqa. Qama'le jauanalo da'me nechatetedañe ena'uac da'me dajotauo jaga'me je'onaĝaiqui jo'ne nejaliaĝaiqui, qama'le nach'e ena'ama dajoteda'aguet joñe'me 'Naĝanaĝate Lec'oĝot. Qama'le uo'oe naa'me louo jo'ne pagaĝayaqa nataq'aen da'me yachi'y jaa'me chaic layoqote, onolqa'tape jogaa'me jiyaĝa'u da'me lajoqot'alo.

Qama'le ena'uac da'me nete'tape da'me 'yalaqataye, eet'oi: “¡Da'me nec'alaĝa chiyaqayi ñe'me Qanedios, Jo'ne nach'eñe 'me netañgui na'me nejaliaĝaiqui, Choqoda'me chiyaqayi ñe'me 'Naĝanaĝate Lec'oĝot!”

qa'a joñe'me 'Naĝanaĝate Lec'oĝot jo'ne dajotalegue jaga'me je'onaĝaiqui jo'ne nejaliaĝaiqui, nach'eñe jo'ne nouatoqo't ena'uaque jogaa'me, qama'le yauetegue joga'me noĝop jo'ne yayetaye 'me chiyaqayi da'me nec'alaĝa. Nataq'aen joñe'me Dios male yiyo'y naa'me 'lae'te da'me niyojeguem yema jana'me lachi'.”

Chane'eja nayi male dajotedo'ot jañe'me neje'onaĝaiqui joñe'me Dios queda'me t'onataĝa'tape, t'onataĝadoue joga'me jo'ne mach'e netamenaĝaiqui. Qama'le joñe'me jo'ne netañgui jañe'me je'onaĝaiqui male nach'e eta't da'me uetauelo qaedi de'uolo'te. Qama'le da'me noqouaĝa ja yitaĝa ta'le 'uo da'me en lachoĝode'j, uotaĝa da'me noĝop lamaic, nach'e ena'am da'me ja yitaĝa yaqanatet ta'le yaviyaĝa't jañe'me ajeua, nataq'aen jena'me nepi'yaĝa ja yitaĝa ta'le yeloiquiaĝa'tape

enaac: “¡Ena'te auauoyi ga'me a'vichiyec jo'ne ja no'en jena'me aleua uotaĝa ga'me noĝop let'adaic uotaĝa jogaa'me ep'a, chayovida'a qom yem da'me ja'anaq naa'me nepel jogaa'me jo'ne mach'e lalemaĝaje'te ñe'me Qanedios!” Qama'le nach'e ena'am jomachilegue jena'me liñi jogaa'me jo'ne joote nayelo da'me 'nanaĝanaĝac: qama'le nalo'taguet ciento cuarenta y cuatro mil, da'me mach'e nedo'ta't jena'me chiyoĝogueta jogaa'me doce lec'oqo'tepi ñe'me Israel.