Ap 19-ын алдартай Библийн эшлэлүүд

Хуваалцах

Nayi qo'mi made'tapolqa, Da'me e'n qo'mi najaqachiguilo da'me qadamaic Nataq'aen da'me 'ñonaĝataĝaye joñe'me, Qa'a nayi male yovita da'me 'lonáĝac joñe'me 'Naĝanaĝate Lec'oĝot, Qa'a joote niyamaĝateta't jañe'me jo'ne jetaque qoyen loua.

Jojo'me lapoto en uetalegue nataq'aen jena'me loteta jo'ne 'uo ga'me nediijec 'me ualegue 'me lenaĝat laqaya jo'ne eetac: “Lejaliaĝane'j ena'uaque gaa'me nejaliaĝanaqa nataq'aen yataqata yaguegue da'me lañoqotaĝanaĝac.”

Qama'le jauana di'me piyem da'me 'nouategue, qama'le 'uo jo'me pegaq jo'ne pagaĝaic, qama'le jauana jo'me netalegue 'me ladipa jo'ne lenaĝat da'me “Ja 'nalegue jo'ne ejoda naa'me 'laqataqa”, qa'a yachiyaqayi da'me chimaqachiñe da'me ya'uo da'me lec'atenaĝanaĝac nataq'aen da'me ya'uo ga'me nalada't.

Qama'le naa'me 'lae'te yataqata edañguilo, ena'am ta'le dole' lauaq, nataq'aen jena'me laqaic uo'oe jogaa'me qayoĝode' qop'al jo'ne netayelo, nataq'aen 'uo ga'me nediijec 'me uetalegue jo'ne mach'e lenaĝat jo'ne yataqata ja qoyayaten, nach'eñeta joñe'me mach'e yayaten joga'me. Naa'me louo jo'ne yatedañe joote necouayelo jana'me netauo', qama'le da'me lenaĝat joñe'me eet'oi: “Jona'me 'Laqatac joñe'me Dios.”

Qama'le jena'me nedegaĝat joñe'me chiyaqaue ga'me nedaĝanaĝat jo'ne neuoyejec, qaedi nach'ega jo'ne yejogueque ena'uaque ga'me jiyaĝadipi jo'ne uetedalegue jena'me aleua, nataq'aen lajoqot'a ga'me naje'l jo'ne laicaua da'me male nejaliaĝatelo'te jogaa'me. Chane'eja ya'uo ga'me ne'uaĝanague'j jogaa'me, ena'am da'me qoyen yolaĝachiguilo jogaa'me uva jala, qaedi qoyachiyoĝotaye ga'me lataĝa, qama'le nach'ega jo'ne yelo'teguet da'me lalemataic joñe'me Dios 'me qaya'te yaqalaatac, jo'ne 'uo da'me lichic.

Qama'le ñe'me jiyac polio' male paja'a da'me qoyecoñe' choqoñe'me jo'ne ja eja da'me lapaĝaguenataĝanaĝac, ñe'me jo'ne nach'eñe 'me yachiyoĝotayi da'me yauo'oe naa'me 'nanaqa jo'ne chiyaqayi q'aen da'me uo'oe gaa'me yoqovi'n jo'ne yaje'tema da'me yanayelo joga'me mach'e lenaĝat ñe'me jiyac polio', chayovida'a da'me qoyi'yoĝode'n ca'li joga'me jiyac polio' lequi'i. Qama'le ñe'me jiyac polio' choqoñe'me jo'ne ja eja da'me lapaĝaguenataĝanaĝac male qoyajaĝadiñgui jaga'me limaĝañi jo'ne uetañgui ga'me dole' let'adaic.