Jn 15-ын алдартай Библийн эшлэлүүд

Хуваалцах

“Naqayem jo'ne jayem uva lichidic, qama'le da'me ami naqa'ami jo'ne lepeel. Ga'me jo'ne nach'e eta't jayem yoqote'taguet, nataq'aen jayem da'me joqote'taguet joga'me, qama'le jalcote ga'me nejalayaĝac; qalaĝaja qom ja jayem 'te auoqochi'taguet, qama'le qaya'te auaqanachichi.

Nach'e eta't jayem auoqochi'taguet, qama'le nach'e ena'am da'me jayem ami joĝotetaita. Jaga'me lepee jaga'me uva lichidic ja yaqanatet ta'le mach'e ya'uo jala, qom ja yoqote'taguet jaga'me uva lamo, qama'le nach'e ena'am da'me mach'e at'oyaĝaqui: qaya'te anejalayaĝaqui qom ja nach'e eta't adaloi'ta't da'me jayem auoqochiyeguet.

“Qom nach'e eta't adaloi'ta't da'me jayem auoqochiyeguet, queda'me nach'e eta't ami uetauelo naa'me 'yaqataqa, qama'le gamachaqaega aviyaĝañiyaque ami qoyanema.

Ja ena'am ta'le jayem adiquiyaqui, dite da'me ami mach'e ami yiquiyaqa, qama'le ami jamaĝalo'te da'me oquiyi qaedi aueñi jalcote da'me anejalayaĝaqui, nach'aga jaga'me anejalai jo'ne ja yitaĝa pal. Qom naq'aeta qama'le ñe'me Taĝadena' ami yanema yema ga'me jo'ne aviyaĝañiyaque, jouaĝat da'me jayem auoqochi'taguet.

Da'me noqopich'i let'adaic jo'ne qaya'te ena'am, nach'eda da'me dojo': qom 'uo ga'me jiyaĝaua yanegue da'me 'loyaĝac qaedi nec'alaĝatedegue jogaa'me laqaya'olqa.

Nach'eñe yichaĝaye yema jaga'me yepee jo'ne qaga'te jala; qalaĝaja yema jaga'me 'uo jaga'me jala, qama'le yepoloqo't qaedi let'adaic da'me nejalayaĝac.

Jenjo' mach'e yamaĝajoĝonaĝac jo'ne ami janema nayi: queda'me jalcote da'me ami joqopitalo, 'noota qom nach'e naq'aeta da'me anoqopichiyapega't da'me ami.

Qom jalcote da'me anejalayaĝaqui qama'le auovidiya'a da'me ami yataqatelo'te yapaĝaguenataqa: nach'eda da'me dojo' jo'ne yaloĝon da'me 'lonaĝac ñe'me Taĝadena'.

Yitaĝa enaac ñe'me Jesús: —Naqayem jo'ne jayem uva lichidic 'me yataqatelegue, qama'le ñe'me Taĝadena' mach'e neteloqo't.

Joga'me jo'ne ja nach'e eta't jayem yoqote'taguet, nach'ega jo'ne qoyajaĝa'ya ga'me p'aye qama'le ua'ña da'me daqaqa qama'le ena'ama gaa'me lepeel jaga'me uva lichidic nale qoyapotena't qama'le qoyachedañgui ga'me dole' qaedi yavi'j.

“Naq'aeta da'me ami ja'aĝatema qaedi da'me yamaic male ami uetauelo qama'le da'me mach'e adamaiqui yataqachiñe nalo'ta't.

Qom auoqochiyalo naa'me yamaĝajoĝonaĝaco, da'me yoqopich'i nach'e eta't ami uetauelo, qama'le ena'am da'me jayem jo'ne joqocha'alo naa'me lamaĝajoĝonaĝaco ñe'me Taĝadena', qama'le nach'e eta't jouetaue da'me mach'e loqopich'i.

Chane'eja male ami jamaĝalo'te da'me dojo': 'noota qom anoqopichiyapega't.

Ta'le ami ch'e aleua laje', jena'me jiyaĝadipi jo'ne aleua laje'pi ami noqopitalo, qama'le e'n ami ena'ama q'ae'n jogaa'me mach'e laqaya'. Qalaĝaja joote ami yiquiyaqa queda'me joote ami jachiyoĝotauelo joga'me ch'e aleua laje'pi. Chane'eja nach'eda jo'ne chiyaqayi da'me ami niquiya'alo, qa'a male ja ami 'te ch'e aleua laje'.