Heb 5-ын алдартай Библийн эшлэлүүд

Хуваалцах

Qalaĝaja joga'me niqui'yaĝat jo'ne 'uo da'me 'lañaĝac nach'ega jo'ne tayet da'me qoyanema gaa'me 'yaĝayaqa jo'ne joote yayate'n da'me naloqotenaĝanaĝac qa'a joote naeda'ac da'me yateto'n da'me 'loyaĝa'j gaa'me 'noote' choqogaa'me ja 'noe'n.

Qa'a nayi da'me joote yenoĝodegue jaa'me 'uoidi chayovida'a ta'le naqa'ami jo'ne auapaĝaguenataĝañitac, qalaĝaja maliaĝa auoviñetaque da'me yitaĝa ami qoyapaĝague'n daa'me ja qalache jo'ne mach'e lapaĝaguenataĝanaĝaco joñe'me Dios, queda'me ena'am ta'le a'viyelaqaiya da'me qaya'te at'añaĝaqui, qama'le ja youen da'me ami qoyiqui'yaĝaneque ga'me niqui'yaĝat jo'ne 'uo da'me 'lañaĝac, dite jaga'me lochi' jo'ne nach'aga 'me aniyomitapiye. Qa'a joga'me jo'ne maliaĝa niyomigui jana'me lochi', nach'ega jo'ne ena'am ta'le notolec jo'ne maliaĝa uanoquetac, qa'a maliaĝa ja yayaten da'me naloqoten joda'me jo'ne yataqatelegue.

Chane'eja joñe'me Cristo, mate mane'e mach'e Dios Lec'oĝot, qalaĝaja nach'e ena'am da'me napaĝaguena da'me eeta da'me noqochoĝojoĝoc, chiyoqochigui da'me mach'e lachoĝodec. Qama'le ja yaĝañi da'me yataqata yoqo'cha joñe'me Dios, chayovida'a da'me yovita da'me laloqo' da'me qoyalat. Chane'eja nach'eñe joñe'me jo'ne yovida'a q'aen da'me male qoyen ladic da'me qonec'alaĝatedegue yema jogaa'me jo'ne yoqochideta joñe'me, da'me nec'alaĝa jo'ne qaya'te loiquiaqa'.

Qama'le da'me 'uo ñe'me Cristo cha'li ueta'ña jena'me aleua, 'uo da'me lejamaĝa jo'ne neten da'me netamen, nataq'aen jalcote jana'me lachi' da'me nachoĝodenot joñe'me Dios, joñe'me jo'ne 'uo da'me lañoqotaĝanaĝac qaedi nec'alaĝate'guejop da'me neleuaĝa, qama'le ñe'me Dios domachiya joñe'me yajouaĝat da'me yataqata yoqo'cha.