Col 3-ын алдартай Библийн эшлэлүүд

Хуваалцах

Aneualaĝaeñetapegue'to jogaa'me adaqayadi', nataq'aen qom 'uo ga'me ami 'yeteque da'me ja no'en, qama'le auapalaĝachi' gaa'me laviyaĝaco. Nach'e naq'aeta ñe'me Jaliaĝanec yapalaĝa't joga'me adaviyaĝacodi', nach'e ena'am da'me ami 'noota qom auapalaĝachi' jogaa'me anaviyaqatagueco.

Auenache'talo gaa'me uo'oe jo'ne ueda'ague di'me piyem, qalaĝaja gaa'me uetedalegue jena'me aleua ena'te auenache'talo

Yema ga'me auauoyi, 'noota qom aviyamaĝachetac nale ga'me at'onataqui, aueñe'tem ta'le naqaeñe ñe'me Jaliaĝanec a'uonataĝañetape'uo, ja naqaegaua ga'me ch'e jiyaĝa'u.

Dios ami noqopitalo, nataq'aen ami yatetelo'te qaedi ovitauelo joga'me c'oqo'tepi joñe'me. Chane'eja anaviquila't da'me qaedi ami choĝodenataĝanaĝayaqa, nataq'aen ami qopitaĝanaqataqayaqa nataq'aen ami pogaĝadenaĝayaqa. Ena'te ami 'yoĝodenaĝayaqa, uotaĝa ta'le ami co'yaqayaqa.

'Noota qom Cristo 'laqataĝanaĝac nach'e eta't jaqachiguilo q'ae'n naa'me adai'lidi'. Nataq'aen ami yatenaĝanaĝayaqa da'me anapaĝagueñiya't nataq'aen anequeuoquitalo nale gaa'me adaqayadi'. Nataq'aen da'me 'uo da'me lamai'j naa'me adai'lidi' qama'le a'nonaĝachigui joñe'me Dios, a'uoñe'tape joga'me nalaco jo'ne Dios Lepaqal ami yanema. Nataq'aen ena'uaque gaa'me jo'ne auauoyi uotaĝa anenaĝachiyegue, a'viche'tape nale jogaa'me qa'a jouaĝat da'me ademii'teguet joñe'me Qadejaliaĝanec Jesucristo. Nataq'aen auañem da'me adamaiqui ñe'me Dios nale, yajouaĝat da'me jo'ne Cristo ami yanema.

Anapaquiyalo'te naa'me naajo' qom anaviquila't joda'me adoqopich'ii, nach'eda necoñeteguet da'me yataqatelegue naqayayaĝac.

Chane'eja, queda'me Cristo ami 'niyelaĝachidijeguem, 'noota qom aueloyapiye gaa'me jo'ne uo'oe 'me ueda'ague di'me piyem, 'me ne'tague ñe'me Cristo da'me ñichiñe, na'ña jena'me yayaten joñe'me Dios.

Nataq'aen 'noota qom da'me 'lemaĝac joñe'me Cristo yelo'oguelo naa'me adai'lidi', qa'a joñe'me Dios ami yiyaĝanalo qaedi nach'ega onolec napat ami qoyapetenegueta. Qama'le auañem da'me adamaiqui.

Chane'eja 'noota qom aueñe'tem ta'le yeleu da'me anejiyaĝauayaĝaqui 'me toijec; 'noota qom qaya'te taue da'me lequejeguetaĝa, uotaĝa ta'le ye't ga'me paĝachiguilo, uotaĝa ta'le quetapegue'to gaa'me jo'ne yachoĝode'n nale nataq'aen ga'me ja 'noe'n lamaico, uotaĝa ta'le jetaque yauec da'me lamaic joda'me neuoyaĝac, qa'a dojo' ena'am da'me qonetameno't ga'me nequi'i.

qa'a ena'am ta'le joote adelevi, qama'le Dios joote yaqataĝata't da'me at'oyaĝaqui jo'ne dalaĝaic qaedi oñiya'ajop ñe'me Cristo.

Qalaĝaja nayi aĝañidiñi ena'uaque naa'me naajo': da'me nalemataic, gaa'me adelnataĝacodi' 'me ami yachoĝode'n, gaa'me ja 'noe'n, gaa'me 'nenaĝanataĝanaĝaco nataq'aen ga'me 'naqataqa jo'ne paĝachiguilo.

Ena'te anoqoviñetapega't, qa'a joote aĝañiñi da'me toijec at'oyaĝaqui nataq'aen ga'me ja no'en jo'ne a'vichetac ca'li. Nataq'aen joote auaiñiñe da'me dalaĝaic at'oyaĝaqui 'me nichiquetajeguem, chayovida'a da'me ena'am da'me 'loyaĝac ñe'me Dios, nach'eñe jo'ne A'netoqo'chi, qaedi yataqachiñe nedo'ta't da'me auatetoñi.

Ami le'mi jo'ne joote a'uoñi, 'noota qom adoqopichiyalo naa'me adouadi', ena'te a'vichiyeque ga'me co'yaq.

Ami nec'oqo'tepi, 'noota qom auoqochiyalo jogaa'me adet'aldi', qa'a nach'eda yiyamaĝaden joñe'me Jaliaĝanec.

Ami yauo' jo'ne joote a'uoñi, 'noota qom auoqochiyalo jogaa'me adouadi', qa'a dojo' nach'eda at'onataqui jo'ne chiyaqayi da'me auep'iiya'a joñe'me Jaliaĝanec.