'Noota ta'le auayaten jena'me jenjo', queda'me gaa'me noloqo'ote p'atedegue, yataqata 'uo jo' qomle ga'me laqalai'j jena'me jiyaĝadipi, qa'a male uo'oe qomle gaa'me jiyaĝa'u jo'ne ch'e noqopitela'ajalo, quetedapegue' loqopich'i jaga'me laicaua, 'yoĝodenaĝayaqa, otanaĝanaĝayaqa, nataq'aen 'uenaĝanaĝayaqa. Male ja naquiaĝanalo jogaa'me let'al, yataqata chiyoĝo's, nataq'aen male jetaque yapalaĝa't da'me qadepe'e. Naqaegaua jiyaĝa'u jo'ne qaya'te loqopich'i, nataq'aen qaya'te lichoĝodenataĝanaĝac, male qovinaĝanaĝayaqa, nataq'aen ja yaqanate't ta'le ja yauote ga'me lamanaĝanaĝa'j, yataqata qaleuaĝayaqa, male nauteta da'me 'noota. Male yeme'n ga'me layi, qa'a qaya'te yetetapega, nataq'aen najaqachiguilo da'me ni'yoĝodenaĝa'j, nataq'aen da'me queteda'ague ga'me ch'e lelnataĝa'j, qama'le ja yelotedac ñe'me Dios. Nalaĝayelo da'me eetedapega 'uo ga'me lepe'e', qalaĝaja yataqata yoqolegue't da'me qadepe'e ladic.
Ena'te ta'le ch'e cholic da'me aualegouelo naa'me naajo' jiyaĝa'u