2 Co 5-ын алдартай Библийн эшлэлүүд

Хуваалцах

Nayi yataqachiñe qademe'teguet ñe'me Cristo, qo'mi jo'ne dalaĝaic da'me qa'netaguec. Ñe'me Dios male ja yitaĝa qo'mi yec'ateneque ga'me toijec qat'oyaĝac, dite da'me qo'mi yanema da'me qaedi jaconaĝaguet da'me dalaĝaic qat'oyaĝac.

Ñe'me Cristo yataqata qaya'te loec ca'li, qalaĝaja Dios 'yetem da'me ena'am ta'le loeco lo'o, qaedi Cristo qo'mi yovidaĝateda'a da'me ena'am ta'le qaya'te qadejamaĝataĝac.

Qalaĝaja yataqata jep'iyaqa joñe'me, mate mane'e ja jauanaĝa.

Yema da'me dojo' chiyoĝoguet ñe'me Dios; joca'li ena'am ta'le qadauteua ñe'me Dios, qalaĝaja nayi Cristo qo'mi yovidaĝateda'a da'me ena'am ta'le ñaigaqatapegue' ñe'me Dios. Nataq'aen qo'mi yanema da'me dojo' qat'onataĝanaĝac qaedi ga'me jiyaĝadipi qoye'n naequetedapegue' joñe'me. Chane'eja ja'aĝataqatac da'me dojo' onaĝaic 'naqataĝanaĝac yema jena'me aleua: ñe'me Cristo nach'eñe chiyaqayi da'me qoyapalaĝa't jodaa'me qadoeco, nataq'aen ena'uac yanema da'me 'nemaĝac.

Chane'eja nach'e qo'mi lamaĝa's ñe'me Cristo qaedi ja'aĝataqatac joñe'me, nataq'aen ena'am ta'le nach'eñe ñe'me Dios ami nachoĝodetapecoto qaedi anaquiaĝañiya da'me qat'aqataĝanaĝac. Qama'le ñe'me Cristo qo'mi 'yelopeque da'me ami ñachoĝodenaqatapecoto qaedi auacoñiyeguet da'me 'lemaĝac ñe'me Dios jo'ne ami yanema.

Chane'eja qom Cristo yeleu queda'me qo'mi nep'aĝanegueta, qama'le 'noota qom da'me qat'oyaĝac ja yitaĝa ena'am ta'le mach'ega nec'aletaye, dite ñe'me Cristo, jo'ne yeleu ca'li nataq'aen 'niyelaĝajeguem qaedi qo'mi yanema da'me qat'oyaĝac jo'ne dalaĝaic. Chiyoqotelegue nayi ja yitaĝa jenaĝa lajo'vi ga'me ch'e qadec'atenaĝanaĝac jo'ne aleua le'ec. Mate mane'e naq'aeta ga'me jec'atenaĝac ca'li ñe'me Cristo, male ja yitaĝa jauoqo da'me dojo'.

Joda'me loqopich'i ñe'me Cristo napacalegue da'me qat'oyaĝac. Jayatenaq queda'me ena'uac nep'aĝanegueta ca'li yeleu ñe'me, chane'eja ena'am ta'le ena'uaque qo'mi joote qadeleu.