1 P 2-ын алдартай Библийн эшлэлүүд

Хуваалцах

Qalaĝaja ami yataqata ami liquiyaqa ñe'me Dios, nataq'aen ami qoye'n letaĝayaĝanaĝanaqa joga'me jiyaĝadipi da'me auajoyi'tot ñe'me nejaliaĝanec, nataq'aen da'me ami noic let'adaic jo'ne ja 'nalegue, ami jo'ne onolec noic jo'ne loĝot joñe'me Dios. Qama'le naq'aeta da'me jo'ne ya'uo joñe'me qaedi a'uaĝache'tape naa'me 'lonataqa jo'ne onaĝayaqa, ñe'me jo'ne ami yachiyoĝotauelo ga'me 'lalaĝa qaedi male ayoue da'me onaĝaic yoqochiñe jo'ne chiyoqo'ot joñe'me.

Qa'a nach'eñe ñe'me Cristo jo'ne qo'mi nep'aĝanegueta ca'li yachi'y naa'me qadoeco qama'le ga'me lapat qoyachalegue jaga'me sodoso, qaedi da'me qo'mi male qolaqa'e da'me qadoiquiyaĝac qama'le jouaqaue da'me nec'alaĝa jo'ne ja 'nalegue. Joñe'me Cristo uo'oe ca'li jogaa'me yedidiñe qaedi ami nec'alaĝatedegue. Qa'a da'me ami joca'li aueñiya'ama gaa'me 'naĝanaĝatel jo'ne yejoma'ape, qalaĝaja nayi joote a'niyelaqaeya joñe'me Cristo, jo'ne ami netelalo qama'le ena'am ga'me 'naĝanaĝate nouatoqo't jo'ne nach'e eta't da'me nelotaye qaedi ami yelo'ogueta.

Da'me ami joca'li ja jalchi'ena ta'le ami noic laje', qalaĝaja nayi male ami noic jo'ne Dios lec'oqo'tepi. Joca'li ñe'me Dios cha'li ja ami 'te yichoĝode'n, qalaĝaja nayi male yataqata ami yichoĝode'n.

Ena'am ga'me notolec jo'ne yemta niyiñe netaque da'me lamaic jaga'me lochi', qama'le nach'e ena'am da'me ami, 'noota qom anechiyaque da'me lamaic da'me 'laqatac ñe'me Dios, qaedi ga'me jo'ne chiyaqayi en anichiquitajeguem nataq'aen da'me 'uo da'me adec'alaĝaqui

Ami yaqaya'olqa, ami jo'ne aueñiya'ama jogaa'me ja 'lachaqa'tena 'me ch'e oquitalegue jenjo' aleua, ami ñachoĝodenoto da'me ena'te auauoyi ledaqa't naa'me lamaico ga'me anejiyaĝauayaĝaqui jo'ne deloiquitedapegue' da'me at'oyaĝaqui. A'nañaĝachiyec da'me 'noota qom ovitauelo jogaa'me ja p'etaqadayaqa, qaedi jogaa'me, mate mane'e uo'oe gaa'me 'laqataqa nayi da'me e'n ami laute'u, qama'le ena'am ta'le naqa'ami jo'ne te'me ja 'noe'n da'me at'onataqadi', qalaĝaja qom yauata ga'me 'noota jo'ne auauoyi qama'le 'nonaĝachidegue joñe'me Dios qom yovita ga'me nolo' jo'ne p'ategue, qom qonaloqote'n naa'me mach'e 'lonataqa onolqa'tape jena'me jiyaĝadipi.

Nataq'aen da'me ami, ena'am ta'le ami qadi jo'ne nec'aletedaye, naqa'ami jo'ne 'lonataqa joñe'me Dios da'me 'noĝojeguem ga'me tamenaĝaiqui jo'ne ja 'nalegue, qaedi ami jo'ne ademii'teguet joñe'me Jesucristo male ami qoye'n letaĝayaĝanaĝanaqa ga'me jiyaĝadipi, da'me auajaqaedeuo joga'me najaqajecpi 'me ja di'yo't, nach'egaua jo'ne yataqata 'yamaqate'n joñe'me Dios.

Chane'eja 'noota qom aĝañidiñi ena'uaque naa'me yodapecache jo'ne ja 'noe'n. Ena'te auoqovinaĝañetac, uotaĝa ta'le ja ami 'te yataĝalo'te, uotaĝa ta'le 'uo ga'me adep'aguenataĝanaĝaqui uotaĝa ga'me ade'uenaĝanaĝaqui.

Chane'eja anichiquii'uo nayi joñe'me Qadejaliaĝanec Jesús jo'ne ena'am ga'me qa' 'me yataqata nec'aletaye. Ga'me jiyaĝadipi 'yota'n ca'li joñe'me, qalaĝaja nach'eñe jo'ne Dios liquiyac nataq'aen da'me 'uo da'me lajo'viyaĝac let'adaic.

Aniyamaĝachela't qa'a ja ami 'te necoñetae's, qalaĝaja ena'te aueñetapega da'me auachiyoĝochiyaye da'me ami uojotedañi male auaqanachichi ta'le auauoyi da'me jo'ne ja no'en. Nach'edata da'me aniyamaĝachela't qa'a ami lalemaĝaje'te joñe'me Dios.

Qa'a naq'aeta da'me loequenataĝanaĝac ñe'me Dios: qom auauoyi da'me chimaqachiñe, qama'le jogaa'me jo'ne qaya'te layatenaĝanaĝac nataq'aen jogaa'me chiyoĝo's qaya'te ladi'j ta'le ami dachinataĝalo'te.