1 Jn 4-ын алдартай Библийн эшлэлүүд

Хуваалцах

Yataqachiñe jayatenaq queda'me Dios qo'mi noqopitalo, qama'le qaya'te qadoqolanaĝa, qa'a gamachaqaega jo'ne yataqachiñe qonoqopita, nach'ega qaya'te t'oiya. Qalaĝaja qom 'uo ga'me jo'ne t'oiya qama'le nach'e ena'am ta'le joote 'uo da'me ne'uaĝanaguec; qo'che' gamachaqaega jo'ne maliaĝa t'oiya da'me Dios le'uaĝanaĝanaĝac, nach'ega maliaĝa ja yauana da'me Dios loqopich'i jo'ne yataqatelegue.

Ami yalaqapi, ami yataqata lec'oqo'tepi joñe'me Dios, nataq'aen eja da'me joote anomachi' jogaa'me qovinaĝanaĝaiquipi, qa'a ñe'me Dios Lepaqal jo'ne ami uetauelo yataqachiñe napacalegue joñe'me payac jo'ne uetauelo jogaa'me jo'ne nauteta joñe'me Dios.

Qama'le qadoqopita joñe'me Dios qalaqach'ele 'uaeñe joñe'me qo'mi noqopitalo.

Ami yaqaya'olqa, 'noota qom nach'e eta't ñoqopitaqapega't, qa'a da'me qadoqopich'i chiyoĝoguet joñe'me Dios. Qama'le ena'uaque gaa'me jo'ne 'uo da'me loqopich'i, nach'egaua lec'oqo'te joñe'me Dios qama'le yateto'n joñe'me.

Joga'me jo'ne qaya'te loqopich'i qamqa'me maliaĝa ja yateton joñe'me Dios, qa'a da'me noqopich'i chiyoĝoguet joñe'me Dios.

Qama'le naq'aeta da'me noqopich'i: yaqa'a ta'le qadoqopita joñe'me Dios, dite da'me nach'eñe jo'ne qo'mi noqopitalo, ca'li namaĝa'ña jena'me aleua joñe'me Lec'oĝot qaedi nemela't qaedi qoyalat, qaedi yemeda daa'me qadoeco male qoyapalaĝa't.

Ami yaqaya'olqa, naq'aeta da'me Dios qo'mi noqopitalo. Chane'eja 'noota qom nach'e ena'am naq'aeta da'me ñoqopitaqapega't.

Dios qo'mi yaloĝonalo da'me loqopich'i ca'li, queda'me namaĝa'ña jena'me aleua ñe'me Lec'oĝot jo'ne onolec, qaedi 'uo da'me qat'oyaĝac jo'ne chiyaqayi joñe'me.

Qom 'uo ga'me jo'ne enaac: “Joqopita joñe'me Dios”, qalaĝaja qom maliaĝa niquiya'a ga'me laqayolec, qama'le yataqata qovinaĝanaĝaic joga'me. Qa'a qom ja noqopita ga'me laqaya jo'ne yauana, qama'le ¡teua'atoqo' eetapela't noqopita joñe'me Dios jo'ne ja yauana!

Gamachaqaega jo'ne 'yaĝatetac queda'me Jesús mach'e Dios Lec'oĝot, qama'le Dios netaue joga'me, nataq'aen joga'me ne'tajop joñe'me Dios.

Dios joote qo'mi yanema dojo' lamaĝajoĝonaĝac: queda'me ta'le qadoqopita joñe'me Dios, 'noota qom nach'e ena'am ñoqopitaqapega't.

Ami yaqaya'olqa, ena'te anaqapaĝañiyegueta gaa'me jo'ne ami yapaĝague'n, dite da'me cha'li auapiyeñi jogaa'me, qom eja chiyoqodayi joñe'me Dios. Qa'a uo'oe gaa'me qayoĝode' jo'ne ueda'a jena'me aleua, jo'ne qovinaĝanaĝaiquipi jo'ne enapega'ajalo 'yaĝatetedac joñe'me Dios. Qama'le naq'aeta da'me dojo' auatetoñiyegueta jogaa'me jo'ne eja ueteda'ajop joñe'me Dios Lepaqal: yema gaa'me jiyaĝadipi jo'ne dechoqotaĝatec queda'me Jesucristo naequena ca'li, nach'e naq'aeta da'me yataqachiñe jiyaĝaua, nach'egaua yataqata ueteda'ajop joñe'me Dios.

Qalaĝaja gamachaqaegaua jo'ne ja dechoqotaĝatec queda'me Jesucristo yataqachiñe jiyaĝaua ca'li, nach'egaua ja ueteda'ajop joñe'me Dios. Nach'egaua yataqachiñe laute'u joñe'me Cristo, jogaa'me jo'ne joote auomachiiya queda'me novi't qomle, qama'te eja joote novi't qama'le quetedalegue jena'me aleua.