Saunt Matthew 7-ын алдартай Библийн эшлэлүүд

Хуваалцах

Ask, an’ it sall be gien you; seek, an’ ye sall fin’; chap, an’ it sall be openet until you.

For ilka ane wha asketh getteth; an’ he wha seeketh fin’eth; an’ til him wha chappeth, it sall be openet.

Therefore whasaever heareth thae sayin’s o’ mine, an’ doeth them, I will liken him until a wise man wha bigget his house upon a rock.

Therefore a’ things whatsaever ye wad that men sud do til you, do you e’en sae til them; for this is the law an’ the prophets.

Because strait is the yett, an’ narrow is the road, whilk leadeth until life, an’ few there be wha fin’ it.

Gang ye in at the strait yett; for wide is the yett, an’ braid is the road, whilk leadeth til destruction, an’ mony there be wha gae in thereat.

Gin ye than, bein’ evil, ken how to gie guid gifts until your bairns, how meikle mair sall your Father wha is in heaven gie guid things til them wha ask him?

Judgena, that ye binna judget. For wi’ what judgment ye judge, ye sall be judget; an’ wi’ what measure ye mete, it sall be measuret til you again.

An’ ilka ane that heareth thae sayin’s o’ mine, an’ dothna do them, sall be likenet until a fulish man wha bigget his house upon the san’.

An’ why behaldest thou the mote that is in thy brither’s ee; but takestna tent o’ the beam that is in thine ain ee? Or how wilt thou say til thy brither, Let me pu’ out the mote out o’ thine ee, an’, behald, a beam is in thine ain ee?

Bewaure o’ fause prophets, wha come til you in sheep’s claithin’, but inwardly they are ravenin’ wouves. Ye sall ken them by their fruits. Do men gather grapes o’ thorns, or fegs o’ thrissles?

E’en sae ilka guid tree bringeth furth guid fruit; but a bad tree bringeth furth bad fruit.

A guid tree canna bring furth bad fruit, neither can a bad tree bring furth guid fruit.

Ilka tree that bringethna furth guid fruit is hewet doun an’ coost intil the fire.