प्रेरितों रा कांम 1-ын алдартай Библийн эшлэлүүд

Хуваалцах

पण जद पवितर आतमा थांरै ऊपर आवैला तद थै सामरथ पावौला। अर यरुसलेम अर सगळै यहूदिया अर सामरिया में, अर धरती री छोर तांई म्हारा गवाई होवैला।”

यीसु उणौनै कयौ, “उण वगत या काल नै जांणणौ, जिणै पिता परमेसर नै अपणै ही अधिकार मे राख्यौ है, थौरो कांम कोनीं।

अर उणौ ऊं मिळन उणौनै आग्या दीनी, “यरुसलेम नै मती छोड़ौ, पण म्हारै पिता परमेसर रै उण वायदे नै पूरौ होणै री बाट जोहता रौ, जिणरी चरचा थै म्हारै ऊं सुण चुकया हो। क्यूंकै यूहन्‍ना नै तो पांणी ऊं बतिस्मो दियौ है पण थोड़े दिनां रै पछै थै पवितर आतमा ऊं बतिस्मो पावौला।”

अर उणै मौत रै पछै घणाहारा पका प्रमाणो ऊं अपणै आप नै उणौनै जीवतौ दिखायौ, अर चाळीस दिन तांई उणौनै देठाळौ देतो रियौ, अर परमेसर रै राज री बातां करतौ रियौ।

ओ कैयनै वो उणौरै देखते देखते सरग में उठा लियौ, अर बादळ उणनै उणौरी आंख्यां ऊं लूकाय दियौ।

उणरै जातै वगत जद वे आभै री तरफ ताक रिया हा, तो देख्यौ, दो मिनख उजळा गाभा पैरयोड़ा उणरै खनै आयनै ऊभा होया, अर उण ऊं कयौ, “हे गलीली मिनखौ, थै क्यूं ऊभा आभै री तरफ देख रिया हो? ओहीज यीसु, जिकौ थौरे खनै ऊं सरग ऊपर उठा लियौ गियौ है, जिण रीत ऊं थै उणनै सरग में जातै देख्यौ है उणी रीत ऊं वो पाछौ आवैला।”