Luqka 8-ын алдартай Библийн эшлэлүүд

Хуваалцах

Dek pawi yj kraw tiq a'ciq heq nawk khrawng ce 'Pxtpaw Phawlaw' mongthem valung heq an'yawk hxvj an'lungbong duk kj a'pawi caw vj mhawt te theqna an'mji khennj a'theq batnghawt thepa tiq heq dj an'lju ve.

A'lhing thing tu vj kraw tiq a'ciq heq nawk khrawng ce 'Pxtpaw Phawlaw' mongthem valung heq yaw laq na kha nhi tiq cimkya tiq muikhraw heq len khoq yaq hawn nj an'lhawqpawq khrawng heq, an'boiqma heq, an'lung lhju khrawng heq na vondya tiq heq dj an'lju ve.

Lung kong nawk dek khrung ngj kraw tiq a'ciq heq nawk khrawng ce 'Pxtpaw Phawlaw' mongthem valung heq an'yawk khaw hxvj an'lung lhju pheng an'yum. Sinakha an'lungbong duk kj mhawt te kaw vj tanawcaw yum theqna a'cawm khrawng an'khawm laq na ce an'lung lhai ye theq tiq heq dj an'lju ve.

Jnkhaw vjyawng 'Boipaw Yesyuq' na a'tabeq heq j "nang'hi yum khrawng i-khjk kj " tiyj a'hiq na ce nhi tiq na mhawnkau theq u-na "ni khrawng ce hu-u tyaw. Lheng heq Khri heq na kha nhi hawu khrawng an'nge sxtx" tiyj an'punghaw ko an'hawu ve tong.

Khrawng cet nawk lawm mj kraw tiq a'ciq heq nawk khrawng ce 'Pxtpaw Phawlaw' mongthem valung heq yaw laq na kha 'Pxtpaw Phawlaw' ljulawk ke khrawng yum khoq yaq hawn nj nhi tiq lungko duk kj kxq 'Pxtpaw Phawlaw' mongthem valung heq nawtsi na lo theqna a'ciq-e khawm laq tiq heq dj an'lju ve.

Khom yaq hawn nj an'thuq khrawng heq kha a'dawng kyaq ai. An'cxm me khrawng heq kha a'pjuha kyaq ai. Ibahai yj nawk hxce an'thuq cxm me khoq nawk khrawng mji yju. A'ang lo na ce a'dawng kyaq khennj.

Jn mhutaw na a'lhem khrawng thuq-e yj laq yju nawk khrawng a'cok hxvj letlet pheng 'Boipaw Yesyuq' mhawimhaw tjq thji lo na khukdyawq caw vj a'ngvaw ye. Jnpjnnj ce ibahai yj a'lhem laq, a'niqnawng heq mhoknghawt pjttj i-baw a'khrxk ba nawk khrawng, khrawng heq mhawimhaw vj a'sai. 'Boipaw Yesyuq' na jn mhutaw vj "ke caw'u vj,nang yum khrawng na nang a'kang ba pet pjn. Na'lung khrawkrxk na yadik dawmdak kj cet nghxq yawng" tiyj a'hawu.

A'tabeq heq na 'Boipaw Yesyuq' ka vj cet theqna an'khak ke. Pjnnj ce "'Boipaw' vj, 'Boipaw' vj ke'hi tui mxm theqna kan'bjt laq ai nghxq" tiyj pang pheng an'hawu. 'Boipaw Yesyuq' na thju theqna khrikho heq lheng heq a'cokhawu. Jnkhennj khrikho heq lheng heq a'dxm ba kyaq.