Мисирден чыгъыу 7-ын алдартай Библийн эшлэлүүд

Хуваалцах

Раббий а Муссагъа былай айтханды: – Къара, Мен сени фыргъаууннга Аллахны орунуна салгъанма, къарындашынг Харун а сени файхамбарынг боллукъду.

Мен а фыргъауунну терсакъыл этерме эмда Мисирни жеринде кёп тамаша белгиле бла сейир ишле кёргюзтюрме. Фыргъауун сизге тынгыламаз. Сора Мен къолуму Мисирни юсюне салырма. Мисирни уллу азапха жолукъдуруп, халкъымы, Исраил улуларын, жыйын-жыйын этип, Мисирни жеринден чыгъарырма.

Мен къолуму Мисирге жетдирип, Исраил улуларын андан чыгъаргъан заманымда, мисирлиле Мени Раббий болгъанымы билирле.

Фыргъауун да акъылманланы бла хыйнычыланы чакъыргъанды. Мисирни билгичлери да хыйнылары бла алай этгендиле. Аланы хар бири да кесини таягъын атып ийгенди, таякъла да жилянла болуп къалгъандыла. Харунну аса таягъы уа аланы таякъларын жутуп къойгъанды.

Раббий былай айтады: „Мени Раббий болгъанымы ма мындан билирсе“. Мен къолумдагъы ма бу аса таякъ бла Нил сууну урурма да, суу къан болуп къалыр.

– Фыргъауун сизге: «Бир сейир иш кёргюзтюгюз», – десе, Мусса, сен Харуннга: «Аса таягъынгы алып, фыргъауунну аллына атып ий», – деп айт, ол а жилян болуп къалыр. Мусса бла Харун фыргъаууннга барып, Раббий буюргъанча этгендиле. Харун аса таягъын фыргъауунну эм аны къуллукъчуларыны алларына атып ийгенди, аса таякъ да жилян болуп къалгъанды.