Мисирден чыгъыу 15-ын алдартай Библийн эшлэлүүд

Хуваалцах

Ол анга: – Раббий Аллахынгы айтханына эс бёлюп тынгыласанг, Аны кёзюне тюз кёрюннген затны этсенг эмда Аны фарызларына къулакъ ийип, битеу бегимлерин тутсанг, Мен мисирлилеге берген аурууладан санга бирин да келтирмем. Мен – санга саулукъ бериучю Раббийме, – дегенди.

Раббий мени кючюмдю, зикиримди, мени къутхарыучу Олду. Ол мени Аллахымды, Анга махтау саллыкъма; атамы Аллахыды, Аны сыйын кётюрлюкме.

Я Раббий, аллахла арасында Сени кибик ким барды? Эй сейир ишле Этиучю, Сени кибик сыйлылыгъы бла хурметли, махтаугъа тийишли ким барды?

Кесинг жулуп къутхаргъан бу халкъны мархаматынг бла элтип бараса. Къудуретинг бла сыйлы мекямынга ашырып бараса.

Мара атлы жерге келгендиле. Мараны сууу ачы болгъаны себепли, аны ичалмагъандыла. Ол жерни атына «Мара» деп да, аны ючюн аталгъанды. Сора халкъ Муссагъа тырман этип: – Биз не ичейик? – дегенди. Мусса Раббийге къаты тилек этгенди. Раббий анга бир агъач кёргюзтгенди да, Мусса аны суугъа атханда, суу ичерге жараулу болуп къалгъанды. Раббий анда халкъгъа бегимлерин бла насийхатларын билдиргенди, анда халкъны сынагъан да этгенди.