မဿဲ 11-ын алдартай Библийн эшлэлүүд

Хуваалцах

လေးလံသောဝန်ထုပ်ဝန်ပိုးများကို ထမ်း၍ ပင်ပန်းနွမ်းနယ်နေသောသူများအားလုံး၊ ငါ့ထံသို့လာကြလော့။ ငါသည် သင်တို့အား ငြိမ်းချမ်းရာကိုပေးမည်။

ငါ၏ထမ်းပိုးကိုယူ၍ထမ်းကာ ငါ့ထံမှ သင်ယူကြလော့။ ငါသည် နူးညံ့သိမ်မွေ့၍ နှိမ့်ချသောစိတ်နှလုံးရှိသောကြောင့်၊ သင်၏စိတ်ဝိညာဉ်ငြိမ်းချမ်းရာကို သင်တွေ့လိမ့်မည်။

အကြောင်းမူကား ငါ၏ထမ်းပိုးသည် ထမ်းရလွယ်ပြီး ငါ၏ဝန်ထုပ်သည်လည်း ပေါ့ပါးသောကြောင့်ဖြစ်သည်” ဟုမိန့်တော်မူ၏။

အခွင့်အာဏာအားလုံးကို ငါ၏အဖဘုရားရှင်က ငါ့အားပေးအပ်ထားပြီးဖြစ်၏။ အဖဘုရားရှင်ကလွဲ၍ သားတော်အား မည်သူမျှမသိနိုင်သကဲ့သို့ သားတော်နှင့် သားတော်ရွေးချယ်ထားသောသူများမှလွဲ၍ အဖဘုရားရှင်ကိုလည်း မည်သူမျှမသိနိုင်။

ထိုအခါ ကိုယ်တော်ယေရှုက “သင်တို့ မြင်တွေ့ရ၊ ကြားသိရသမျှကို ယောဟန်ထံသို့ ပြန်သွား၍ ပြောပြကြလော့။ မျက်မမြင်များသည် မျက်စိပြန်မြင်ကြရပြီး ခြေထောက်မသန်စွမ်းသူများသည်လည်း လမ်းလျှောက်နိုင်ကြပြီ။ အနာကြီးရောဂါသည်များသည် ပျောက်ကင်းစင်ကြယ်သွားကြပြီး နားမကြားရသူများသည်လည်း နားပြန်ကြားနိုင်ကြပြီ။ သေသောသူများသည် အသက်ပြန်ရှင်ကြပြီး ဆင်းရဲသားများသည်လည်း မင်္ဂလာသတင်းကောင်းကို ကြားကြရပြီ။

နားရှိ၍ ကြားနိုင်ကြသောသူတို့၊ အာရုံစိုက်၍ နားထောင်ကြလော့။