Мк 12-ын алдартай Библийн эшлэлүүд

Хуваалцах

Иисус келесен: «Сек тӹнг шӱдӹмӓш тидӹ: ”Израиль, колышт! Мӓмнӓн Господь Йымына – ик Господь веле. Господь Йыметӹм шӱм вашт, йӓнг вашт, улы ынгылымашет доно, улы силаэт доно яраты”. Тидӹ сек кого шӱдӹмӓш. Кокшы шӱдӹмӓш техеньок кого: ”Лишӹлетӹмӓт ӹшкӹметӹм яратымы семӹньок яраты”. Ти кок шӱдӹмӓш гӹц когоракшы укеӓт».

Иисус тыменьшӹвлӓжӹм Ӹшке докыжы ӱжӹн дӓ келесен: «Тӓлӓндӓ лачок попем: ти незер тылык ӹдӹрӓмӓшӹн жертва оксам пиштӹмӹ вӓрӹш жертвӹм пиштӹмӹжӹ молын пиштӹмӹштӹ гӹц шукырак. Нӹнӹ пайдашты гӹц утыжым пиштенӹт, а тӹдӹ, незер гӹнят, ма улыжым, ӹлӓшӹжӹ ма келмӹм, цилӓ пуэн».

Иисус жертва оксам пиштӹмӹ вӓр ваштареш шӹнзӹн дӓ халык тӹшкӹ оксам пиштӹмӹм анжен. Шукы паян шукы оксам пиштен. Вара ик незер тылык ӹдӹрӓмӓш толын дӓ цилӓжӓт кок лептам, вес семӹньжӹ кодрантым пиштен.

Йымым шӱм вашт, улы ынгылымаш доно, улы йӓнг доно, улы сила доно яраташ, лишӹл эдемӹм ӹшкӹмӹм яратымы гань яраташ – тидӹ цилӓ пӹтӹмеш йылатымы дӓ мол жертва гӹцӓт шергӹрӓк».

Тӹнӓм Иисус нӹнӹлӓн келесен: «Тенгежӹ кесарьлан кесарьыным, Йымылан Йымыным пуда». Нӹнӹ Тӹдӹлӓн когон ӧрӹнӹт.