Павелонь сёрмац Риму 8-ын алдартай Библийн эшлэлүүд

Хуваалцах

А минь содасаськ: сембось шары цебяренди сятненди, кит кельгсазь Шкайть, и конатнень Сон тердезень Эсь мяленц-арьсеманц коряс.

И мон кемоста содаса: аф куломась, аф эряфсь, аф ангелхне, аф менелень лия кодамонга азорксшитне и вийхне, аф тяниень пингсь, аф сай пингсь, аф вярдень вийхне, аф алдонь вийхне – аф явфтсамазь минь Шкаень кельгомать эзда, конань Сон няфтезе Иисус Христос Азороньконь вельде!

Ваймопожфське сашенды лездома тейнек: вдь минь лафчтама и аф содасаськ, мезень кувалма тейнек эряви озондомс. Но Сонць Ваймопожфсь эняльди минь инксонк куфцемаса, конат аф азовихть валса.

Мезе нинге тянь колга азомс? Кда Шкайсь ащи минь инксонк, эста кинь ули виец ащемс тейнек каршек? Киньге аф!

Тяни аш кодамонга судендама сятненди, конат Иисус Христость эса эряйхть аф колаф обуцять, а Ваймопожфть коряс

Колаф обуцянь мяльхне вятихть куломати, а Ваймопожфонь мяльхне – эряфти и сетьмошити

Но семботь тянь педа-пес минь сяськондьсаськ Сянь виенц вельде, кие минь кельгсамазь.

Мон арьсян: минь тяниень маятаманьке – мезевок аш ся иневалдть ваксста, кона эвондай-панжеви эсонк.

Кие явфтсамазь минь Шкайть кельгоманц эзда: зияттне, али люпштаматне, али панцематне, али вачашись, али ашушись, али пелемась, али торсь? Кода азф Сёрматфксса

И Шкайсь, конанди содафт минь инь крхка потмомяленьке, содасы, мезень колга арьси Ваймопожфсь, сяс мес Ваймопожфсь озонды-эняльди Шкаень иняру ломаттнень инкса Шкайть мяленц коряс.

Сембе сят, конатнень вятьсыне Шкаень Ваймопожфсь – сембе синь Шкаень итть.

Кит эряйхть колаф обуцяснон коряс, сят арьсекшнихть колаф обуцянь мяльснон коряс. Кит эряйхть Ваймопожфть коряс, сят арьсихть Ваймопожфонь мяльхнень коряс.

Шкайсь, кона ашезе ужяльде Эсь Цёранц, а максозе Сонь куломас минь сембонь инксонк, дяряй аф макссы тейнек Сонь мархтонза семботь лиятьке?

Сонць тя Ваймопожфсь кемокстасы минь ваймопожфоньконь: минь Шкаень иттяма. А кда минь Шкаень иттяма, эста тейнек максови Сонь надияфтф бславаманц уликс-пароц. Тя козя бславамать уликс-паронц Шкайсь макссы кода Христости, тяфта и тейнек, вдь кда минь Христость мархта маятатама, эста Сонь мархтонза ульхтяма иневалдсонзонга.

сяс мес колаф обуцянь мяльхнень коряс эряйхне молихть Шкайти каршек: синь Шкаень койти аф максыхть пря, да и афи максовихть.

Марнек тифсь аф азовомшка пяк учи, мзярда Шкайсь эвондасыне-панчсыне Эсь идензон.

Минь содасаськ, Шкаень сембе тифсь тянемс куфци и маятай, кода ава шачфтома пингть.