Иоаннонь васенце сёрмац 4-ын алдартай Библийн эшлэлүүд

Хуваалцах

Кельгомаса аш пелема. Афсатыксфтома кельгомась панцы пелемать. Вдь пелемась фалу сотф наказамать мархта, и пелезь эряйсь аф пачкоди афсатыксфтома кельгомати.

Идне, тинь Шкайть эзда и тинь сяськость тона аф афкуксонь пророкнень. Вдь Ся, кона тинь эсонт, сяда оцю ся ваймопожфть коряс, кона эряй масторлангонь пежу ломаттнень эса.

Минь кельгсаськ Шкайть, сяс мес васенда Шкайсь кельгомазь минь.

Кельгома ялгат, карматама кельгома фкя-фкянь, вдь кельгомась Шкайть эзда. Эрсь, кие кельги, шачф Шкайть эзда и содасы Шкайть.

А кие аф кельги, ся аф содасы Шкайть, сяс мес Шкайсь – тя кельгома.

Афкуксонь кельгомась аф тоса, мес минь кельгсаськ Шкайть, а вов мезьса: Шкайсь Сонць кельгомазь минь и кучезе Эсь Цёранц ладямань канды озксказнекс минь пеженьконь инкса.

Кельгома ялгат, кда Шкайсь минь тяфта кельгомазь, эста тейнековок эряви кельгомс фкя-фкянь.

Шкайсь няфтезе Эсь кельгоманц тейнек тяфта: Сон кучезе масторть лангс Эсь фкя тяка Цёранц, сяс мес мялецоль Сонь вельденза максомс тейнек эряф.

Кда кие корхтай: «Мон кельгса Шкайть», а сонць прокс афолезе няе эсь кемай ялганц, ся васькафни ломань. Вдь кие аф кельгсы эсь кемай ялганц, конань няйсы, сянди аф кельгови Шкайське, конань сон ашезе няенде.

Кие кемай Иисусонди и аф сёпозь азсы: «Иисус – Шкайть Цёрац», – сянь эса эряй Шкайсь и сонць тя ломанць эряй Шкайть эса.

Кошардомаса, конань кадозе тейнек Христоссь, мярькф: «Кие кельгсы Шкайть, сянди кельгома эсь кемай ялгацка».

Кельгома ялгат, аф эрь ваймопожфти кемада, а инголи ваность-варжасть синь: Шкайть али аф Шкайть эзда сафт, сяс мес тяни масторть ланга якай лама аф афкуксонь пророкта. Шкаень Ваймопожфть содасть тяфта: эрь ваймопожфсь, кона сембонь инголе аф сёпозь азсы: «Иисус Христоссь сась ломанень ронгса», – тя Ваймопожфсь Шкайть эзда.

А эрь ваймопожфсь, кона аф азсы: «Иисус Христоссь сась ломанень ронгса», – аф Шкайть эзда. Тя ваймопожфсь антихристть эзда, конань саманц колга тинь куледе, и сон тяни ни тяса, масторлангса.