Romapụ 8-ын алдартай Библийн эшлэлүүд

Хуваалцах

Wa nimim bẹnyẹ gonyẹ́ gonyẹ́ ḅụ Tamuno ibinyẹ mịẹ ọ ḅẹlẹmaapụ pịrịpịrịm, ọ sịị́apụ ọ mịẹ dọghụnyẹ gosi.

A nimitẹ́lẹ́mam ḅẹ́ gbẹ́rẹ́nyẹ sọ wa fófóomabịgha ori ḅụ fịnịnyẹ, anịgha ḅẹlẹma ḅụ ḅọ́rọ́: fịị sọ anịgha duma, anịgha sookumuapụ, anịgha sobie ẹ́kpẹ́dua, anịgha mị́sa ma túminị́ kụrọnyanáapụ, mịị sa ma ḅụ anịgha ḅo bẹ sa, anịgha ọgọnọ ju anịgha póghóló yọ, anịgha tuminikiri nnị tẹ́mẹ́nyẹ gonyẹ́ gonyẹ́ ine wa fófóomabịgha Tamuno ma ḅẹlẹma ḅụ, wa nyánányẹ Krais Jizọs wámịna Nyánáḅọ ḅụ ḅọ́rọ́.

Anị gbẹ́rẹ́ ḅara ma Tẹ́mẹ́ ma sọ ḅo ḅárásua wa pịrịm wámịna ịnyọ ófórigha ḅụ. Ḅẹẹ, wa nimigha wa ḅara warị tẹ́ghẹ̄ bẹ ḅara; Tẹ́mẹ́ ma ọ ḅụgbọrụ ine ẹ́gẹ́rẹ́ kọbịgha inighi pa Tamuno tẹ́ghẹ̄arị wámịna sịbị ọ́gọ́nọ.

Anị nwọfịnị sa, wa tẹ́ dugho bẹ? Ḅọ́rọ́ Tamuno ma sẹ wa pịrị nḅẹḅẹ́, tụ́wọ asọ mgbẹsẹ wa pịrịbẹ?

Anịgo Krais Jizọs na gbẹ́rẹ́ ḅụ ḅụ fịnịapụ ma, ḅẹ́rẹ́ mịnị nna ḅárasigha.

Ojumẹnị ma ḅẹrẹtọ pịrị fịị dighiḅọ ḅom; Tẹ́mẹ́ ma ḅẹrẹtọ pịrị duma na diin dighiḅọ dighiḅom.

Ofori, mịnanyẹ mamgba ḅụ wa sọḅaapụ nẹngịm wa ḅẹlẹma ḅọ ma ḅụ ḅọ́rọ́.

A arịḅom ḅẹ́ wa mị́sa árịarị tọ́rụ́siarị ma, nnị pa ine toruku n pa wa die bẹ ipine ma na tọ́mábịgha.

Tụọ anịsa, wa fófóoma bẹ Krais ma ḅẹlẹma ḅụ? Ḅẹ́rẹ́ ine bẹ, anịgha nyẹ ḅụ kụrọ́ anịgha tọ́rụ́siarị anịgha ḅurutarị anịgha ịgónyí anịgha nyẹ pa kịnịlámányẹ anịgha fịị?

Tamuno ma wámịna tẹ́mẹ́bie arịarịḅọ, nimim Tẹ́mẹ́ ma kóróma; tegó Tẹ́mẹ́ ma oria túminị́ sịbị go Tamuno ma tẹ́ghẹ̄arị, ori Tamuno ma tọ́warị ḅara ḅụ.

Tamuno Tẹ́mẹ́ ma datụ́ghụ́maarịapụ gonyẹ́ gonyẹ́ nnị ma anị Tamuno awọ.

Nna ojumẹnị dugho ḅara pa duma kọ́arịapụ, nna ojumẹnị bii nyẹ anịị nna kúkúbie ḅẹrẹtọ nnị pịrịarịnyẹ. Tẹ́mẹ́ ma dugho ḅara pa duma kọ́arịapụ, Tẹ́mẹ́ ma binyẹ anịị nna kúkúbie ḅẹrẹtọ nnị pịrịarịnyẹ.

Ori ọ Tụwọ ma ọlọ ọ ḅụ pịrịghaḅọ, kụ́ma ọ saghị pa wamịnị kị́nị́mamgba pịrịm. Ọ pịghị ọ ḅụ ḅọ́rọ́ ḅara findi nyẹ́ gonyẹ́ gonyẹ́ pa wa pịrịbịgha?

Tamuno Tẹ́mẹ́ anị ḅụ pa wámịna tẹ́mẹ́ na gbólomaarị si dugho págháma ḅẹ́ wamịnị Tamuno awọ. Wa Tamuno ma awọ sọmaá ḅara ma, wa pịghị o kóróma ori a túminị́ pịrị karịibima ma nyánábẹm, wa pịghị Krais na nyánábẹm Tamuno kóróma ọ pịrịnyẹ; wa ḅọ́rọ́ Krais ma tọ́rụ́siarị ḅụ diekiri nyánam, wa pịghị ori ipine ḅụ diekiri nyánábẹm.

Anịgo túminị́ ḅo Tamuno iruonaapụ sọm nna ojumẹnị ḅẹrẹtọ n pịrịarị sa; mịnaapụ ma Tamuno ólóghó ma kokogha, n pịghị ine anị kokobịgha.

Tuminikiri n tẹ́mẹ́nyẹ mamgba tọ́rụ́ asọ ḅụ fịnị ḅara pa kúruarị Tamuno ori awọ ma diepágháma bẹ sa.

Wa nimim ḅẹ́ ákị ḅo mị́sa ma láa tuminikiri n tẹ́mẹ́nyẹ mamgba ákụ ḅụ inighiarị sọ ḅọ́rọ́ yii ọlọḅọ.