Karesia 3-ын алдартай Библийн эшлэлүүд

Хуваалцах

Wara hani ɂiɂha ɂe ɂoni haahi koru sii, tona ɂana ɂe rikaɂa hana koru ka roɂo soɂona rikimana wara otooto Waratoɂo. Taɂa, Karaesi ɂe suru tarana koru maania ɂiɂha nena ana ɂe mae ana ɂai horo honosi koru. Wara hani ɂiɂiha ɂe haahia Karaesi, rikisi koru, ana maeha naia ana ɂai horo, tona ɂana Kiriha Maea ɂe iria wara hani ɂiɂiha ɂe ɂoni haahia rikimana noni kuru ana ka rau ana ɂai.

Ana niɂiraeha Waratoɂo, noni ne ɂe Tiu, ɂe mae mouta maania noni ne ɂe mae Tiu. Ma noni ɂe toɂi horaɂai, tona ɂana ɂe mae ɂahuɂe, noni nena ɂe mae mouta maania noni ɂe ɂahuɂe. Ma keni ɂe mae mouta maania mane. Ɂi ɂau siko, ana ɂau norutoɂo ana Karaesi Tisasi ɂau ɂoɂoa ana maana Waratoɂo.

Ma tona ɂana ɂau taɂaa Karaesi noɂo, ɂau hakae tarena Aparahamu ke raɂo, ma Waratoɂo ɂe ka nanamataɂani ɂau, mara naɂaha akau ɂe taua tarea Aparahamu.

Ɂe suru tarana ɂi koru siko, hana nanamaha ɂi naia Waratoɂo ɂe taua hana Aparahamu ɂe ka ɂoni hana taɂaa raona maraukari ana Karaesi Tisasi. Ma ɂe suru tarana koru hana Anoa Maea ɂe ka ana koru ana norutoɂoha, mara naɂaha akau Waratoɂo ɂe taua soɂona Anoa Maea.

Te noni ɂe si otooto naɂo hana Waratoɂo ana ɂe roɂo soɂona wara otooto na, mara Kiriha Maea ɂe iria ɂuriɂe, “Mauriha taraunaɂi ɂe hana noni ne ɂe otooto naɂo hana Waratoɂo ana ɂe norutoɂo ana Waratoɂo.”