متّی 16-ын алдартай Библийн эшлэлүүд

Хуваалцах

وَل یِسُوع اپݨے شاگِردئیں کُوں آکھیا، ”جیرھا وی میݙے پِچھُوں آوَݨ چاہندے او اپݨی سُولی چاوے یعنی جان ݙِیوَݨ کیتے تیار رَہوے اَتے میݙے پِچھُوں ٹُر پووے۔

مَیں تَیکُوں پطرس سݙیساں جَیندا مطلب چٹان ہے اَتے مَیں اِیں چٹان اُتے اپݨی کلیسیا بݨیساں جَیں کنُوں موت اَتے پاتال وی نہ جِت سڳسی۔

مَیں اَسمان دی بادشاہی دی کُنجیاں تَیکُوں ݙیساں اَتے جیرھا کُجھ تُوں زمین اُتے ٻَدھیسیں او اَسمان اُتے ٻَدھیڄ ویسی اَتے جیرھا کُجھ تُوں زمین اُتے کُھلیسیں او اَسمان اُتے کُھل ویسی۔“

کیوں جو جیرھا اپݨی جان کُوں بچاوَݨ چاہسی، او ہمیشاں دی حیاتی کُوں ضائع کریسی اَتے جیرھا میݙے کیتے اپݨی جان چَٹ کر ݙیسی او ہمیشاں دی حیاتی پئیسی۔

جے کہیں اِنسان کُوں ساری دُنیاں تاں مِل پووے پَر اُوندی اپݨی جان نہ رَہوے تاں کیا فائدہ؟ کیا اِنسان کُجھ وی ݙے کرائیں اپݨی جان وَلا گھِن سڳدے؟

وَل یِسُوع اُنہیں کنُوں پُچھیا، ”تُساں مَیکُوں کیا سمجھدے ہِوے جو مَیں کون ہاں؟“ شمعُون پطرس جواب ݙِتا، ”تُوں زندہ خُدا دا پُتر، مسِیحا ہَئیِں۔“

یِسُوع جواب ݙِتا، ”اَے یُوناہ دے پُتر شمعُون! تُوں چَنڳاں ہَئیِں کیوں جو ایہ ڳالھ تاں اِنسان دے وہم‌وگمان اِچ وی کائنی پَر ایہ میݙے اَسمانی باپ تیݙے اُتے ظاہر کیتی ہے۔