Мф 5-ын алдартай Библийн эшлэлүүд

Хуваалцах

Чӱктымеке, лампым ате йымаке огыл, а лампыпӱкеныш шындат, да пӧртыштӧ тудо чылалан волгалтара. Тек тендан волгыдыдат еҥ-влак ончылно тыгак волгалтара. Тек нуно поро пашадам ужыт да Пылпомышсо Ачадам чапландарат.

Те тӱнян волгыдыжо улыда. Курык ӱмбалне шогышо ола шылын огеш керт.

Яндар шӱман-влак поро пиалан улыт: нуно Юмым ужыт.

Кӧн кочмо-йӱмӧ шумо семын чыным шуктымым ужмыжо шуэш, поро пиалан: тудо темеш.

А Мый тыланда ойлем: тушмандам йӧратыза, тендам каргышылан порым тыланыза, тендам ужмышудымо-влаклан порым ыштыза, тендам вурсышо да поктылшо верч кумалза.

«Шкеныштым Юмын ончылно изилан ужшо-влак поро пиалан улыт: Пылпомыш Кугыжаныш – нунын.

Тыныслыкым кондышо-влак поро пиалан улыт: нуно Юмын шочшыжо-влак манын лӱмдалтыт.

Ойгырышо-влак поро пиалан улыт: нуно лыпландарыме лийыт.

Чын ыштыме верч поктылмо-влак поро пиалан улыт: Пылпомыш Кугыжаныш – нунын.

Чаманыше-влак поро пиалан улыт: нуно чаманыме лийыт.

Кунам тендам Мыланем кӧра вурсат, поктылыт да тендан нерген тӱрлӧ осал шоякым каласкалат, те поро пиалан улыда. Куаныза да йывыртыза, пылпомышто тыланда кугу суап лиеш: тендан деч ончыч илыше пророк-влакымат тыгак поктылыныт.

Ӱҥышӧ-влак поро пиалан улыт: нуно уло мландым наследство семын налыт.

Те мландын шинчалже улыда. Шинчал шинчалан лиймым чарна гын, кузе тудым уэш шинчаланым ышташ? Ынде тудо нимолан ок йӧрӧ, тудым луктын шуат да еҥ-влак тошкат веле.

Сандене, Пылпомышсо Ачада могай поро, тугаяк поро лийза.

”Туге” але ”уке” манын веле каласыза, тылеч утыжо – осал дечын.

Мом ойлымым те колында: ”Шинчалан – шинча, пӱйлан – пӱй”. А Мый тыланда ойлем: осалым ыштыше ваштареш ида шогал. Кӧ тыйын пурла шӱргетым сова гын, весыжымат тудлан савырал.

Тыйым пурла шинчат алгаштара гын, тудым луктын шу. Уло капет тамыкыш кудалталтмешке, посна ужашет пыта гын, тылат сайрак лиеш. Тыйым пурла кидет алгаштара гын, тудым руал ойыро да ӧрдыжкӧ шу. Уло капет тамыкыш кудалтыме лиймеш, посна ужашет пыта гын, тылат сайрак.