PAIKHIATNA 15-ын алдартай Библийн эшлэлүүд

Хуваалцах

“Note in TOPA na Pasian uh thu limtakin na ngaih uh a, ama mai-ah a man nate hihin, ama thupiakte don a, ama ngeina kipte khempeuh na zuih uhleh, Egypt mite’ tungah ka tunsak natnate khat beek note’ tungah kong tungsak kei ding hi. Bang hang hiam cih leh kei pen TOPA, note hong damsak pa ka hi hi,” a ci hi.

TOPA, kei a hong hupa hi a, keimah hong honkhia pa ahi hi. Amah, keima Pasian hi a, amah ka phat ding hi. Ka pa’ Pasian hi a, amah ka liansak ding hi.

“TOPA aw, pasian-te’ lakah kua, nang tawh kibang ahi hiam? Kua, nang tawh kibangin, sianthona-ah lianin, minthang nasepna-ah kihtakhuai-in, nalamdang sem ahi hiam?

Nangmah in na ciamsa zui-in na tatkhiatsa mite na paipih a, na hatna tawh a siangtho na omna-ah amaute lam na lak hi.

Marah a tun uh ciangin a tui kha ahih manin Marah tui dawn thei lo uh hi. Tua ahih manin Marah ci-in min kiphuak hi. Moses tungah mite phun uh a, “Bang dawn ding ihi hiam?” ci uh hi. TOPA’ tungah amah kiko hi. TOPA in singkung khat amah lak a, amah in tui sungah tua sing lawn a, tui lim hong suak pah hi. TOPA in tua lai munah amaute a dingin thukham khat le ngeina kip khat bawl a, tua lai munah amah in amaute’ tungah laktel a