เห่ขุทวาลู่ 22-ын алдартай Библийн эшлэлүүд

Хуваалцах

เร๊อ อา โป๊แก เหล่โอ่เนอโต๊โผะ อามุย เน๊อ, เยโฮวาห์ยิเรห์. อู เตเฮ๊เบ่ โอ่แก เน๊อ, “เด๊อ จอแปแหร่ ตูจูเพร อาโฉ่ขุเออ อา เก่ เด๊อะ เป่เตโหล่.” (เยโฮวาห์ยิเรห์ อาโหง่แลช๊าหม่า จอแปแหร่ ตูจูเพร เด๊อะ เป่เตโหล่.)

เร๊อ จอแปแหร่ดุ เฮ๊ ลู เน๊อ, “เอ๊หนิ เนพู๊เพรคู คูอิสอัค เด๊อ เน พู๊โอ่ ตื๊อ แพ๊ ลู เร๊อ เน โมเกอเร๊อ แหน่เจ๊อ ลู เออเตเพรเนอ เร๊อ จว๊า เด๊อ เก่ เต๊เก่ เด๊อ อู เอ๊ เน๊อ โมริยาห์ เนอ. เร๊อ จว๊า เด๊อ โฉ่ เด๊อ แว เก่ ยูโล เน ปา เนอเตเม อาลู, เร๊อ เมเซอ เนพู๊ เร๊อ ชื๊ออือ หลู่แตแถ่ ลูเบ๊อะ เนอปา นี๊.”

จอแปแหร่ ตูจูเพร อาเตเน่วพู๊ เฮ๊ ลู เน๊อ, “เมเบ่เช แต่ เป๊เจ่ เออเตเพร แต่ เหม่! เม แต่ อา เตอเจ๋อ แตเหม่! เนพู๊เพรคู โอ่ตื๋อ เตเพร ตื๊อดื่อเร๊อ เน ซิโล เกอเร๊อ ลู โต่ อาขว่าอาคยา, กู๊แหน่เออ แว ซิเง เฮ๊อ เน๊อ เน ซิอิเช แด่ดุหยื่อแหม่ เฮ๊อ จอแปแหร่ดุ เฮ๊อ.”

อาเพ เฮ๊ฉื่อ ลู เน๊อ, “พู๊คู, จอแปแหร่ดุ อาเหน่เร๊อดื่อ เก่ เด๊อะดื่อ ซิหมิพู๊ เด๊อ เป โหล่อา เน๊อ เหล่ชื๊ออือ หลู่แตแถ่ อาเงเออ เนอ ปา.” เร๊อ เหย่ซี ซิเนอ จว๊า เป่แฮ โหร่ ลู.

แว เด๊อะบุ๊ยเด๊อะเตอเรอ หม่าแหน่ เจ๊อ เน ปา. แว นอ โอ่โหร่โอ่เอ๊แถ่ เนกลุยเนลุ๊ย เต๊เห่ แซ่เจ๊อเน๊อ เฉ่ เด๊อ ม๊อเล, แซ่เจ๊อเน๊อ หล่อตาม๊า เด๊อ เทอดุซาวาทือ เด๊อ อู แด๊ ลอเป่ ปาเจ๊อโต่ เออเนอ ปา. เร๊อ เนกลุยเนลุ๊ย เนอ อา เมปย๊าแก เหย่ซี เต๊เห่ ปา, เร๊อ อา เป๊อะหนิลอ เหย่ซีวี เต๊เห่ ปา. เน หนิดา แวโหง่ อาขว่าอาคยา, ล๋อ เมวเจ่อ เด๊อ เห่ขุ เออเต๊เห่ อา เก่ พย๊าหนิ แฮเง เตเด๊อะบุ๊ยเด๊อะเตอเรอ เด๊อ เนกลุยเนลุ๊ย อาขว่าอาคยา ปา.’”

เพอับราฮัม โอ่ หน่างยาเลงยา เฮ๊อ เบ๊อะ ฟีลิสเตียเก่กู โทเร๊อ จอแปแหร่ดุ เจแม๊ ลู เตหยื่อเตแหน่ เร๊อ, “อับราฮัม,” อา เอ๊ ลู เร๊อ, “แว โอ่ แพ๊ แบ่เจ่ดุ,” อา เต๊ฉื่อ ลู ฮู๊เนอ.

หม่าแน๊เรอ จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ อา เอ๊โทตา ลู เน๊อ, “เก๋อ อับราฮัม, อับราฮัม.” เร๊อ อา เต๊ฉื่อ ลู เน๊อ, “เมเต, แบ่เจ่ดุ, แว โอ่ แพ๊.”

จอแปแหร่ ตูจูเพร อาเตเน่วพู๊ โอ่ เด๊อ ม๊อขุ เร๊อ เอ๊ คยาแซ๊ เพอับราฮัม เนอโพ๊โต๊โพ๊. เร๊อ อา เฮ๊ ลู เน๊อ, “จอแปแหร่ ตูจูเพร เฮ๊ฮู๊เออ เน๊อ, ‘เนพู๊เพรคู โอ่ ตื๋อ เตเพร แพ๊ ตื๊อดื่อเร๊อ เน ซิโล เกอเร๊อ โต่. เน หลู่แตแถ่ อา อาขว่าอาคยา, แวเหน่ เร๊อดื่อ อ๊อแล เน๊อ แว เก่ เด๊อะบุ๊ยเด๊อะเตอเรอ เน.

เบ๊อะ เหย่ซี จว๊าโต่ เฮ๊อ เด๊อ จอแปแหร่ดุ เฮ๊ ลู เหล่โอ่ เนอโต๊โผะ เบ๊อะเนอ, เพอับราฮัม ต่าแถ่ เตหลู่แตเหร่ เบ๊อะเนอ, โทเร๊อ อา แด่แถ่ ขรุ เด๊อ เตหลู่แตเหร่ลู. โทเร๊อ อา จอกลอหม่า เกอเร๊อ อาพู๊ คูอิสอัค เร๊อ อา แด่แถ่ ลู เด๊อ เตหลู่แตเหร่ขุ เด๊อ ขรุขุ เนอ.