Matej 21-ын алдартай Библийн эшлэлүүд

Хуваалцах

Hem sa so rodena ani molitva, ka priminen te verujinđen.”

A o Isus phenđa lenđe: “Čače vaćerava tumenđe, te ine tumen vera hem te na sumnjinđen, na samo da ka ćeren adava so me ćerđum e smokvaja nego hem ka šaj te vaćeren akala goraće: ‘Ušti hem frde tut ano more!’ – hem ađahar ka ovel.

O manuša kola džele anglo leste hem palo leste vičinena ine: “Hosana e Davidesere Čhavese! ‘Blagoslovimei okova kova avela ano anav e Gospodesoro!’ Hosana e Devlese ko učipe!”

I phenđa lenđe: “Pisimei ano Sveto lil: ‘O čher mlo ka vičini pe čher zaki molitva’, a tumen ćerena olestar ‘than kote čedena pe o čora!’ ”

“Vaćeren e narodose taro Jerusalim: ‘Ače, avela tuće to Caro, ponizno, bešindoj upro her, upro terno her, o čhavo e hernjakoro.’ ”

O Isus pučlja len: “Tumen li nikad na čitinđen ano Sveta lila: ‘O bar savo odbacinde o zidarija ulo najbitno bar e čheresoro. Adava o Gospod ćerđa hem adava ćerela amen te ova zadivime.’

Adalese vaćerava tumenđe: ka lel pe tumendar o carstvo e Devlesoro hem ka del pe e manušenđe kola ka mothoven lesere plodija.