Matáyɔ 7-ын алдартай Библийн эшлэлүүд

Хуваалцах

Mɛmani na ɓánophande, káɓáni kema na ɓɔɔnande, gbondoagani kǐo na ɓánoúkuiande.

Nga, nkpa buakɛ mmbé aɔmɛma atɔande, nkpa buakɛ mmbé aokaɓa, aɔnande na nkpa buakɛ mmbé aogbondoaga kǐo, ɓámukuiande.

Nkpa buakɛ mmbé aɔɔ́ka nyɔngɔ nɛmɔ, na tɔtɔkisa í, akengeani na múbaphi, mmbé aphɛ̌ki endu nɛkɛ gǔ á ɛtɛ.

Ógeeani phɔtɔ ɓakpa ɓonjánjá bui ɓíndɔ ɓokondi ɓánogeeɛ. Nndɔ ungɔ ande cina ɛ́ɔphi ndea Mósa na cina á ɓuku ndea ɓaɔtu-nyɔngɔ ndea Mokonga.

Kǐo nde akɔtɔkani, ande aphe ábɔa nde agě ka enda á mɛyɔ, ɓakpa ɓábɔa ɓáunge ɓáɔɔna ú.

Gǎni ɓóngiɛ ka kǐo nde akɔtɔkani. Nga, kǐo ágbae aunge ande aphe nde aoɓúngisaga. Ɓakpa ɓásii ɓáunge ɓáongia k'aphe ndɔɔ.

Ɓenu, nanga ɓóɓa ɓakpa ɓájeɗe, ɓoúba opha á ɓ'ananu kema ánjánja. Abanu mmbé á na koba, aéɓophande ɓunde ɓáɔmmɛma kema ánjá phɛɛ.

Kotenɛmbɛ nyɔngɔ ndea ɓakpa ɓuangbo ka gea te, Mokonga katenɛmbɛ phɔtɔ nyɔngɔ ínɛkɔ. Nga ɓíndɔ ɓootena nyɔngɔ ndea ɓakpa ɓuangbo, a tɔ unge Mokonga atenande nyɔngɔ ínɛnu. Mokonga akogeande phɔtɔ ɓíndɔ oógea ɓakpa ɓunɛngbo.

Nkpa buakɛ mmbé aɔɔka nyɔngɔ nɛmɔ, na nna gǎkɛ ɔtɔtɔkisa ú, akengeanande na mbóbó, mmbé aphɛ̌ki endu nɛkɛ gǔ á mbume.

Ekende ɔɔna gbɛɛkɛsɛ á k'íso á dakɔ, n'ɔkɔ́ɔna gbútuka á me nde á k'íso akɔ? Oongoɗea muna-amakɔ: ‹Nékophúiɛ phɔ́ gbɛɛkɛsɛ k'iso›, n'ona gbútuka á me k'íso akɔ ka ɓo?

Ɛ́ngɛphani na ɓaɔtu-nyɔngɔ á mbɛa. Ɓáobika mɔtɛ-anu na ɓáɔ́ligi nkeke á ɓamɔgɔgɔ. Suɓi aɓɔ na ɓá gǎkɛ ɓamabianga ɓakae Ɓáúbikanande k'ékuma nɛɓɔ. Ɓákáɔkɔɗa mbuka á Mujabíbu ka tomba, ɓáká phɔtɔ ɔkɔɗa tíni ka cía.

Cɔ, me anjánjá buakɛ, a tɔ ɔgɔmbisa mbuka ánjánja, me ajeɗe buakɛ a tɔ ɔgɔmbisa mbuka ájeɗe-jeɗe.

Me anjánjá nnaɔtɔka n'agɔmbisi mbuka ájeɗe. Me ájeɗe nna gǎkɛ ɔtɔka n'agɔmbisi mbuka ánjá.

Ɓáombia me buakɛ mmbé nnaɔgɔmbisa mbuka ánjánja, ɓáomaka ka nsa.