Rm. 6-ын алдартай Библийн эшлэлүүд

Хуваалцах

Aipoi upat jo ia te kamateiat, panguruat Taikamanua geti ia te purimanuaiat sitaitatata ka bagat Kristus Jesus, Tuhanta.

Taan poi ipaneneinei kam jo, aipoi taan anai kam ka kupkumen Surukat, aian le kam ka kupkumen kiliu bagat Taikamanua.

Oto aturateiakean sita pasamba nia ka pasiraukat ka bagat kamateiat, bule kele katususurut Kristus ka simamatei kalulut pulatsanan Ukkui, kisedda leu te tapurimanua ka bagat puririmanua sibau.

Samba buian nusegeake kam laddou tubumui ka jo, ibailiu nia pamatei pukataikat, ka Taikamanua le segeake kam tubumui simamatei siburu, kineneiget amurimanuangan. Samba segeake kam laddou tubumui ka Taikamanua, ibailiu nia pamatei puroipoat.

Taagai poi pusirimanuatta siburu atusiliktengaakean pasamba Kristus, bule imalose tubuta simajo, buian tapupaguguletnake minca tubuta ka jo.

Kise te ka kam nuaddeake kam tubumui amateian kam ka jo, tapoi murimanua kam ka Taikamanua ka bagat Kristus Jesus.

Oto apangan le kuanenta? Mujongan le tagagalai bule iurau kiliu baga? Ta kisedda! Sita simamatei ka jo, muririmanua pei le pa sita ka bagania?

Ta nuagai kam, ka tubut kasei nusegeake kam tubumui ibailiu pagugulet masireddet nia, aibailiuan kam paguguletnia reddenenmui, ele ka jo sikau kam ka pulangokat, ele ka purereddet sikau kam ka puroipoat.

Tapoi sura le ka Taikamanua! Siburu pagugulet jo tedda kam, tapoi kineneiget anureddetnan kam nganturat sinegeakenen ka kam sibara ka sangalio paatuatmui. Atubelaakean kam ka jo, aibailiuan kam pagugulet puroipoat.