Matíe 5-ын алдартай Библийн эшлэлүүд

Хуваалцах

A nɩ́ ŋwʋ́ nápɛ klʋ́ lé a kɛ́ɛ́ sòlú wlú gbí. Mà, zɩkpa a mnɩ́ á bubuole lé ɛ́ ŋana gbó a nyʋa fɩ́ɛ́ kʋ́. Sɩ́tɛ̀ mʋ́ a nápɛɛ́ na ká ŋana lé nyʋa kɛ́ɛ́ yɛ́ lé a ká námagbɩ̀ɛ̀ a nie a, dʋdʋ̀ lé a ká a Tʋ́ Lagɔ ŋwnú fa.

Amɔ ŋwɔ́ɔ zɩkpa zɔ̀ a nápɛ. Dúó kʋ̀ kíké wlú a, ʋ nɩ́ zúzùò.

Á ya pʋ́! Nyʋaá à kà kplɔkplɔdì a, Á yi kɛ́zɔ̀ Lagɔ yɛ́.

Á ya pʋ́! Nyʋaá Lagɔ̀nyùzɔ a bhlitʋ bhlá Nànɩ́ cémʋ́ kleé yà mnátʋ sɔ́ bhláá lɛ́ a, Á yi kɛ́zɔ̀ lʋ.

Mà mɔ́ɔ, náa srʋɛ yɩ́ lɛ́ amɔ mà, a wà a gblɩ̀nyʋa! Lé nyʋaá à nie amɔ nyumoé a, a bhibhie a wlú.

«Á ya pʋ́! Ámá Nyʋaá à yì a zizi a mnɩ́, Mà ŋazɩ̀nyʋa á ŋwɔ́ɔ a, Ámá à ŋwɔ́ɔ Lagɔ a Léyibhlɩɛ́ a kanyʋa.

Á ya pʋ́! Nyʋaá à ŋwʋ́ɛ́ núnule sáà, Á yi kɛ́zɔ̀ Lagɔ a yúó plɩ́.

Á ya pʋ́! Nyʋaá à ŋwíé a, Lagɔ yi kɛ́zɔ̀ a yízɔ̀ sɛ.

Á ya pʋ́! Nyʋaá à yɛ́lɛ Lagɔ̀nyùzɔ a bhlibhlie a mnɩ́ kalɩmɛ a, Ámá ŋwɔ́ɔ Lagɔ a Léyibhlɩɛ́ a kanyʋa.

Á ya pʋ́! Nyʋaá à kà ŋazɩ̀di a, Lagɔ yi kɛ́zɔ̀ á ŋazɩ kʋ́ yɛ́.

A ya pʋ́! Nyʋa nɩ trʋ amɔ, a nɩ ŋwʋ́ amɔ kalɩmɛ mʋ́, lé a nɩ ŋwʋ́ amɔ gbʋ́ wlú ná zà a. A nɩ lɔlɔ, a bhlɩ mà námɛɛ́ kádɛ gláalɛ amɔ Lagɔ gɔ̀. Sɩ́tɛ̀ mʋ́ á bhli wá sáà Lagɔ a nékʋ́cinyʋaá à kʋ̀ wá ʋ́ a, kʋ́.

Á ya pʋ́! Nyʋaá kà diwɔtɩɛ́ a, Ámá nà kà kɛ́zɔ̀ dʋ̀dʋ jáa kʋ́ li!

Amɔ ŋwɔ́ɔ zɩkpa zɔ̀ a gùu. Mà gùu nɩ bhɩa mɛ́nɩmɛ a, cégbá mʋ́ á yiú sɔ́kʋ́ mɛ́nɩma áa? Ʋ nɩ́ yɩ́ náa, a nɩ ka yɩ́ mʋ́ lɛ́ mʋ́ nɩ, áa pá yɩ́ mʋ́ klá lé nyʋa námnɩlɛ ɩ́ mʋ́ mnɩ́.

A srí sá, a Tʋ́ɔ́ ɔ kʋ lagɔɔ́ a bhísakʋ́!»

Nà cícíwɔlɩ plɩ́ kɔ́ɔ̀kɔ́ cícása, aan! Ɩ́ zà ʋ́ʋ̀n! Mà wɔlɩ́ ànɩ̀ɛ̀ cílo yɩ́ lɛ́ ʋ́ a, Dɩ́blʋ̀ɔ̀ a neé mʋ́ ɩ́ wlʋ́ɛ́ yɩ́.

A nú sáà mà: Ɩ̀ liyʋ nɩ wla nà yɩ́ a, wla ɔ́ nɩ yɩ́! Ɔ nɩ sa mɔ̀ɔ glè neé a, sɔɔ́ glè neé! Mà mɔ́ɔ, náa srʋɛ amɔ mà, nyɔ nɩ nɩ amɔ nyumoé a, a ná sa kpa. Nyɔ nɩ wla nà lilinyuklú a mnɩ́ kpá a, tʋalɔɔ́ ànʋ̀ɔ̀!

Nà liliyɩ nɩ ka ŋnɩ́ lé nɩ̀ nɩ nyumoé a, sɛɛ́ mɔ̀ɔ lé pɛ́ɛ́ klá, dɛ́ ɩ̀ yie páa lé nɩ kɛɛ́ yɛ́ a! Nɩ̀ kà bhlɛ́ lé nɩ̀ wlʋ́ ʋ́ neé a, ɩ́ náa lé ɩ́ zi nàa ka bhlɛ́ lé kà kosugàlàà à nɩ́ bhɩa kʋ́ a, mnɩ́ bhli. Nà liliglɔ̀gbá nɩ ka ŋnɩ́ lé nɩ̀ nɩ nyumoé a, dí a kʋ́ lé pá á klá, dɛ́ ɩ̀ yi a páa lé nɩ ka á yɛ́ a! Nɩ̀ kà sɔdrè lé nɩ̀ wlʋ́ ʋ́ neé a, ɩ́ náa lé ɩ́ zi nàa ka bhlɛ́ lé kà kosugàlàà à nɩ́ bhɩa kʋ́ a, mnɩ́ bhli.