Откровение 2-ын алдартай Библийн эшлэлүүд

Хуваалцах

Иўырңа пиюкынӷитусиқа лъпысинун унаңӯқ, пиниқнанӣма̄ҳпысиңа, ухпықа̄лгутысилъю сивунӷани пиниқылъыҳпысистун.

Тама̄кын апалъюқлъюку пуйгухпына̄н пиниқыҳлъягьяқыфсиңа, ухпықа̄лгутысилъю. Пиниқнаниӷаҳпысиңа пӣқылъыҳпысистун. Ынка̄м авутыҳқитык. Пиниқынқихтикут пиниқсюххуа̄лъыҳпысистун. Авутыҳқынӷилъкуфси, такулюси иқилъықақа кынылӷутаҳпыси туныма̄ ныңаның.

Аликыхпынаки тама̄кут икфиқуткынъақыхкыси. Нагатык! Туӷныӷа̄м иляси анусимиңлъяҳтыснақӣ нанӷӣқуналюси. Ынка̄м икфиқылъықуси қуля аӷныӷнун. Иўырңа ата̄сӣӷмытык, қайўа туқуяҳқа̄ӷңа̄ҳпыси. Таўатын пикуфси, акилыҳтӯсялилъықамси кынлыңилңуӷмың уңувалъыӷмың.

Сигутылгукуфси, нагатыкык Таӷныӷак сямың пӣқуткык ухпықанун! Тама̄кут кая̄лъқӣлӷӣт кая̄лъқӣлъыӷмың ныӷысқылъықанка пӣтыстыка̄ның уқфиган уңувалъҳым, таўанлыңуқ Кияӷныӷым Пӣтысиӷаӷвигани».

Лӣсимакамси ся̄лъыҳси, уӷлыӷӣлӷӣси, ӣлъқаюнӷитылъыҳсилъю. Лӣсимакамсилъю тугуклъӣгатаси сыӷлыӷыт югыт, иўырңа апостолыңунилӷӣт лӣтақаси ысҳапаглюки тымңиңутаңи. Та̄ўа лӣтаси иқлъыңиқыстыңӯт.

Мыӷнӣгатуси икфиқылъыҳпысиның хўаңа апалъюқлъюңа, ӣлъқаюгигатусилъю.

Сигутылгукуфси, нагатыкык Таӷныӷак сямың пӣқуткык ухпықанун қырңуӷуткаюгның юӷаӷвигни! Маннамың ӣӷңалӷӣмың, манналилъықақа та̄на кая̄лъқӣлӷӣ Туӷныӷаӷмың. Лъңанунлъю тӯнылъықақа қатылӷӣ уйӷак, атыӷраӷаӷмың игақфикыхкақ. Китум алңунак налъюкыхка̄ атық иўырңақун алъхыҳтикаҳӣна̄м уйӷагмың лӣсимака̄».