От Иоанна 15-ын алдартай Библийн эшлэлүүд

Хуваалцах

Хўаңа лозаңӯңа, лъпыси авая̄гуси. Кина алңунак пӣтысқуҳлъягьяҳқа̄гуқ хўаңамнитыкыстақуми, хўаңа лъңани. Иўырңа хўаңаңунаси сяна̄нӷитуси.

Хўаңамнитыкыстаҳтык хўаңа лъпысинитылъымтун. Аваяра̄ӷинақ пӣтыстина̄нӷитуқ ўыткуқун лозамыскуми. Таўатытуси лъңинаҳпыси пӣтыстина̄нӷитуси ўыткуқун хўаңамнитыкыстақуфси.

Хўаңамнитыкыстақуфси, акузитынка лъпысинитыстыкуфсики а̄плъыҳа̄си сямың алңунак пиюкыхкаҳпысиның ынка̄м алъхыӷулъықуси.

Лъпыси накмикумаңитаҳпысиңа, хўаңа накмикыхкақамси, қыпҳақалитамсилъю. Ынка̄м аӷуляқлъюси пӣтысқуҳтык, пӣтысқулъыҳси нагныӷасқысюўақа. Таўатын пикуфси Атам тӯнылъықӣси сямың алңунак а̄птыкуфси Атымкун.

Югым туқуматкыхкумики илякумта̄ни пиниқылъҳа а̄ңыпихтуқ. Кина алъя пиниқылъҳитуқ та̄мың а̄ңатаӷалӷӣмың.

Қамахлъюки аваянка пӣтыстиңигалңӯт икуӷақӣ. Қамахлъюки аваят пӣтыстикаюгыт кыпуӷвикақӣ пӣтыстиӷатаӷӣсқылъюки.

Унаңӯқ қылӷусяқа̄ лъпысинун: пиниқутулъюси хўаңа пиниқылъымтун лъпыси.

Атака̄ усюқылъыңылъықуқ пӣтысқуҳлъякуфси, лӣгикыслъықусилъю хўаңамнун малихся̄ҳсяҳтыкнъилюси.

«Хўаңа лозапигӯңа, Атака̄ пӣтысиӷаҳтыңӯқ.

Кина алңунак хўаңамнинъыӷилъкуми аваястун аюқуқ ыхлъюни палиқақ. Таўатылңӯт аваят қырңуҳлъюки паныҳтақӣт.

Уңипа̄тамси тама̄кын қуямалъқа лъпысинитысқылъюку, қуямалъыҳси ӣӷўӣсқылъюку.

Қа̄ткыхкуфсики қылӷусянка пиниқылъымнитыкыстаҳлъықуси таўатыҳпигақ Атама пиниқылъҳанитылъымтун қа̄ткутылъымкун қылӷуся̄нун.

Уна қылӷусяқақа, пиниқутулъюси».

Нунам пиксяқумиси, юган пиниқнаяӷӣси пиниқутутылъыӷмыгыстун. Иўырңа хўаңа накмикыхкақамси хўакын нунамың ынка̄м нунам пикынӷитӣси. Тама̄кын апалъюқлъюку нунам юган угумикӣси.