К Евреям 9-ын алдартай Библийн эшлэлүүд

Хуваалцах

Таўатыҳпигақ ата̄сиҳаӷмың Христос аҳтуткыхка̄гуқ лъмитның иқинъалюки сыӷлыҳқылъҳит юлӷутыт. Иўырңа алъя тагикуми, аҳтуткысяҳтӯнӷитуқ лъминың сыӷлыҳқылъыӷмун. Йыӷлыги югулияҳтуҳлъықӣ қылянқилӷӣт лъңаның.

Тама̄кут пылюңиӷияқлъыгуката югыт югусӣтның, та̄ўа Христосым а̄ўан ўата пилъықӣ. Пылюңиҳлъықӣ умьюгаси сятңунӷилңуӷның ухпықилъыӷның лъпысинун қыпҳа̄тысқылъюку уңувалӷӣ Кияӷнық. Кынлыңилңӯгныкун Таӷныӷагныкун, Христос сыӷлыҳқылъҳилңуқ, тӯныхка̄гуқ лъңаның катам Кияӷныӷмун аҳқутңулюни.

Тамаҳаӷми туқуяҳқа̄лӷӣ ата̄сиҳаӷмың, ынка̄м та̄м киңуңаның Кияӷныӷым нанқихлъықӣ.

Ипапыста̄қ Лӣлиҳтӯсят пилъҳитни, қамахтывзиглюни сяңўа̄ тамаҳаӷми пылюңиқа̄гуқ а̄ўкун. Кияӷныӷым сыӷывунъа̄нӷитӣ югыт сыӷлыҳқылъҳит ўыткуқун а̄ўк ма̄қыхкан.

Ынка̄м Христосым тагиткақа̄ Кияӷныӷым акықусяӷраӷа̄ югнун туқлъюқа̄нун. Христос таўатын пика̄гуқ лъңитнун алъхыҳтысқылъюку кынлыңилңуқ пагитақ Кияӷныӷым акықусяқыхка̄ лъңитнун. Алъхыҳлъықӣт пагитат қаюҳлъяк Христосым туқуматкыхкақыхкаңи. Ынка̄м югыт кияҳтыкат акықусяқсюхўа̄ӷми, итымума̄т сыӷлыҳқылъыӷмыхның.