К Ефесянам 1-ын алдартай Библийн эшлэлүүд

Хуваалцах

Юӷа̄ткақа ниӷук кӯкхутысқылъюку илюхпысинун, лӣгикысқылъюку сиӷималъық Кияӷныӷым лъпысинун пикыстыка̄ қаюҳлъяк накмикыхкақӣси. Юӷа̄ткамсилъю лӣгикысқылъюки кымнаҳлъягыт қуястылъыҳлъягыт Кияӷныӷым акықусяқыхкӣ югминун. Юӷаҳтуңалъю лӣгикысқылъюку сыӷлыҳлъягӯқ Кияӷныӷым аҳтуӷьяҳқа̄нӷилъыҳлъяга қыпҳалӷӣ хўаңкунъи ухпықилӷӣни. Та̄на аҳтуӷьяҳқа̄нӷитылъыҳлъяк ата̄сӣгуқ Кияӷныӷым уңуваҳтисиқыхка̄ Христосымун туқулъыӷмың. Та̄хкын қилягми Кияӷныӷым ақумысима̄ аӷынқигныӷмикун. Кияӷныӷым қулиҳпига̄ҳтыстыкақа̄ Христос тамаҳӣтның иглыӷутистының, қылӷикаюгның, аҳтуӷьяҳқа̄нӷилъылыгның, умӣлыгныңлъю. А̄тҳа иңья̄тңаҳлъяхтуқ атыӷьяхаӷның нунами хўани, нунаӷраӷаҳқамилъю.

Нуна улималъҳилъюку Кияӷныӷым накмикыхкақӣлъю Христосыкун пылюңитысқылъюталъю, авутңитысқылъюталъю лъңанун. Қаюҳлъяк Кияӷныӷым пиниқыхкаңилъю, ныӷиӷлюку алъюҳқинакыхкақӣлъю авақута̄люта Иисус Христосыкун. Таўатын пика̄гуқ қаюҳлъяк пиюкыхкаңа, ыфқуқыхкаңалъю.

Христосым а̄ўакун, Кияӷныӷым итымуткақӣлъю сыӷлыҳқылъымнъың. Сыӷывутӣ сыӷлыҳқылъыпут апалъюқлъюку наңлъыхталъыҳлъяни

Усюқылъыңли Кияӷнық, Атаңа Атанымта Иисус Христосым! Христосыкун Кияӷныӷым қуястыңъўӣлъю тамаҳа̄ның тунусямың қиляхтамың.