ငဝ်ႈၵမ်ႇၽႃႇ 32-ын алдартай Библийн эшлэлүүд

Хуваалцах

ၵေႃႉ​ၼၼ်ႉ​ၵေႃႈ​လၢတ်ႈ​လႄႈ​ဝႃႈ၊ ၸိုဝ်ႈ​သဵင်​မႂ်း​ၸိုင်​ၵမ်း​လိုၼ်း​ဢမ်ႇ​လႆႈ​ႁွင်ႉ​ႁဵၵ်ႈ​ဝႃႈ​ ယႃႇၵုပ်ႈ ။ တၵ်း​လႆႈ​ႁွင်ႉ​ႁဵၵ်ႈ​ၸိုဝ်ႈ​ဝႃႈ ဢီႉသရေႇလႃႉ ​ဢေႃႈ။ လွင်ႈ​မၼ်း​ၸမ်ႉ မႂ်း​ၼႆႉ​ၶဵင်ႇ​ၵၼ်​တင်း​ၽြႃး​ပဵၼ်​ၸဝ်ႈ ဢိၵ်ႇ​တင်း​ၵူၼ်း​လႄႈ ပႄႉ​ၼႅင်ႇ​မိူၼ်​ၸိူဝ်ႉ​ၼင်ႇ​ၶုၼ်​ၼၼ်ႉ​ယဝ်ႉ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ၼၼ်ႉ​လၢတ်ႈ​လႄႈ​ဝႃႈ၊ ပွႆႇ​ၵဝ်​သေ​ၵမ်း။ မိူင်း​ၸႃႉ​ႁႃ​လႅင်း​မႃး​ယဝ်ႉ၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၵေႃႈ​လၢတ်ႈ​လႄႈ​ဝႃႈ၊ ပေႃး​ဢမ်ႇ​ပၼ်​တၢင်း​လီ​တီႈ​ၵဝ်​ၶႃႈ​ၸိုင်၊ ၵဝ်​ၶႃႈ​ဢမ်ႇ​ပွႆႇ​ၶႃႈ​ၵူၺ်ႉ၊ ဝႃႈ​ၼင်ႇ​ၼႆ​ဢေႃႈ။

ယႃႇၵုပ်ႈ ​ၵိုတ်း​သဝ်း​ယူႇ​ၵေႃႉ​လဵဝ်​ၵူၺ်း​လႄႈ ၵူၼ်း​ၵေႃႉ​ၼိုင်ႈ​ၵၼ်ႉ​ၵၼ်​တင်း​မၼ်း​တေႃႇ​ထိုင်​ႁွတ်ႈ​မိူင်း​ထၼ်ႈ​ပေႃး​လႅင်း​ဢေႃႈ။

ၵႃႈ​တီႈ​ၼၼ်ႈ​ၸိုင် ယႃႇၵုပ်ႈ ​ႁွင်ႉ​ႁဵၵ်ႈ​ၸိုဝ်ႈ​ ပေႇၺေႇလႃႉ ​ဢေႃႈ။ လွင်ႈ​မၼ်း​ၸမ်ႉ မၼ်း​ဝႃႈ၊ ပိၵ်ႉ​သမ်ႉ​ၵဝ်​လႆႈ​ႁူပ်ႉ​ထူပ်း​တေႃႇ​ၼႃႈ ၵၼ်​တင်း​ၽြႃး​ပဵၼ်​ၸဝ်ႈ​သေ​ၵေႃႈ၊ ဢသၢၵ်ႈ​ယင်း​ၵတ်း​ယဵၼ်​ၶျၢမ်း​သႃႇ​ယူႇ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ၵေႃႉ​ၼၼ်ႉ​ႁူႉ​ႁၼ်​လွင်ႈ​ဢၼ်​တူဝ်​ၸဝ်ႈ​ၵဝ်ႇ ဢမ်ႇ​ပႄႉ​ဢမ်ႇ​ၼႅင်ႇ​ၼၼ်ႉ​သေ​ယဝ်ႉ၊ တိူဝ်ႉ​သႂ်ႇ​ႁူဝ်​လုပ်ႇ​ငဝ်ႈ​ၶႃ ယႃႇၵုပ်ႈ ​လႄႈ ငဝ်ႈ​ၶႃ​ၵုမ်ႇ​မၼ်း​ၸုတ်ႈ​ၵႂႃႇ​ၼႂ်း​မိူဝ်ႈ​ဢၼ် ယင်း​တိုၵ်ႉ​ၵၼ်ႉ​ၵၼ်​ယူႇ​ၼၼ်ႉ​ဢေႃႈ။

ၵေႃႉ​ၼၼ်ႉ​ၵေႃႈ ထၢမ်​လႄႈ​ဝႃႈ၊ ၸိုဝ်ႈ​သဵင်​မႂ်း​ၸမ်ႉ၊ ပဵၼ်​ၸိုဝ်ႈ​သဵင်​ၵႃႈ​သင်၊ ဝႃႈ​ၼင်ႇ​ၼႆ​သေ​ယဝ်ႉ၊ မၼ်း​ၶိုၼ်း​လၢတ်ႈ​လႄႈ​ဝႃႈ၊ ပဵၼ်​ ယႃႇၵုပ်ႈ ​ၶႃႈ​ဢေႃႈ၊ ဝႃႈ​ၼင်ႇ​ၼႆ​ဢေႃႈ။

ယႃႇၵုပ်ႈ ​ၵေႃႈ​ထၢမ်​လႄႈ​ဝႃႈ၊ မွၵ်ႇ​လၢတ်ႈ​ၼႃႇ​မႃႉ​ၸိုဝ်ႈ​သဵင်​ၸဝ်ႈ​ႁဝ်း​တီႈ​ၵဝ်​ၶႃႈ​သေ​ၵမ်း၊ မိူဝ်ႈ​ဢၼ်​ဝႃႈ​ၼင်ႇ​ၼႆ​ၸိုင်၊ မၼ်း​ၸဝ်ႈ​လၢတ်ႈ​လႄႈ​ဝႃႈ၊ ႁဵတ်း​သင်​လႄႈ ထၢမ်​ၼႃႇ​မႃႉ​ၸိုဝ်ႈ​သဵင်​ၵဝ်​ၼင်ႇ​ႁိုဝ်။ ဝႃႈ​ၼင်ႇ​ၼႆ​လႄႈ ပၼ်​တၢင်း​လီ​တီႈ​မၼ်း ၵႃႈ​တီႈ​ၼၼ်ႈ​ဢေႃႈ။

ၼႂ်း​ၵရူႉၼႃႇ​တင်း​သဵတ်ႈ​ၸႃႇ​ၵႃႈ​ဢၼ်​ၸဝ်ႈ​ႁဝ်း​ၼႄ​ပျႃး​တီႈ​ၶႃႈ​ၸဝ်ႈ​ၼၼ်ႉ၊ ၶႃႈ​ၸဝ်ႈ​ဢမ်ႇ​ထိူၵ်ႈ​လႆႈ​ၶၢမ်ႇ​ဢၼ်​လဵၵ်ႉ​သေ​ပိူၼ်ႈ တီႈ​ၶႃႈ၊ မိူဝ်ႈ​ဢွၼ်​ၼႆႉ​ၼၼ်ႉ ၶႃႈ​ၸဝ်ႈ​လႆႈ​ဢဝ်​တင်း​ၶွၼ်ႉ​တဝ်ႉ​ၶၢမ်ႈ​ၼမ်ႉ​ႁွင်ႈ​ ယေႃးတၢၼ်ႇ ​ၼႆႉ​ၵႂႃႇ​တီႈ​ၶႃႈ​ဢေႃႈ။ တေႃႈ​လဵဝ်​ၼႆႉ​ၸမ်ႉ၊ လႆႈ​ပဵၼ်​သွင်​မုၵ်ႉ​သွင်​ၸိူဝ်း​ယူႇ​တီႈ​ၶႃႈ​ဢေႃႈ။

ပိူဝ်ႈ​ဢၼ်​မၼ်း​ၸဝ်ႈ​တိူဝ်ႉ​သႂ်ႇ​ဢဵၼ်​လူင်​ဢၼ်​မီး​ၵႃႈ​တီႈ​ႁူဝ်​လုပ်ႇ​ငဝ်ႈ​ၶႃ​ ယႃႇၵုပ်ႈ ​လႄႈ ၵူၼ်း​မဵဝ်း​ ဢီႉသရေႇလႃႉ ​တင်း​လၢႆ မီး​ထုင်း​ၸၢမ်ႇ ဢၼ်​ဢမ်ႇ​ၵိၼ်​ဢဵၼ်​လူင်​ဢၼ်​မီး​ၵႃႈ​တီႈ​ႁူဝ်​လုပ်ႇ​ငဝ်ႈ​ၶႃ​ၼၼ်ႉ ႁၢၼ်ႉ​တေႃႇ​ဝၼ်း​မိူဝ်ႈ​ၼႆႉ​ဢေႃႈ။

ၵမ်း​ၼၼ်ႉ ယႃႇၵုပ်ႈ ​သူး​တွင်း​လႄႈ​ဝႃႈ၊ ၽြႃး​ပဵၼ်​ၸဝ်ႈ​ပေႃႈ​ၵဝ်​ၶႃႈ​ ဢႃႇပြႃႇႁၢမ်ႇ ၊ ၽြႃး​ပဵၼ်​ၸဝ်ႈ​ပေႃႈ​ၵဝ်​ၶႃႈ​ ဢီႉၸၢၵ်ႈ ၊ ထႃႇဝရႃႉ​ၽြႃး ဢၼ်​လၢတ်ႈ​တီႈ​ၶႃႈ​ၸဝ်ႈ​လႄႈ​ဝႃႈ၊ ၶိုၼ်း​မိူဝ်း​ၵႂႃႇ​ၸူး​ၵႃႈ​တီႈ​မိူင်း​မႂ်း ဢိၵ်ႇ​တင်း​ပီႈ​ၼွင်ႉ​ၸိူဝ်ႉ​ၶိူဝ်း​မႂ်း​တႃႉ။ ၵဝ်​တၵ်း​ႁဵတ်း​ၵျေး​ၸူး​တီႈ​မႂ်း​ဢေႃႈ၊ ဝႃႈ​ၼင်ႇ​ၼႆ​ၼၼ်ႉ​တီႈ​ၶႃႈ​ဢိူၺ်း၊

ပိူဝ်ႈ​ၼႆ​လႄႈ တေႃႈ​လဵဝ်​ၼႆႉ ၶျွတ်ႈ​ဢဝ်​ၶႃႈ​ၸဝ်ႈ ၵႃႈ​ၼႂ်း​မိုဝ်း​ပီႈ​ဢၢႆႈ​ၶႃႈ​ၸဝ်ႈ​ ဢေးသေႃး ​ၼၼ်ႉ​သေ​ၵမ်း​တီႈ​ၶႃႈ၊ ၶႃႈ​ၸဝ်ႈ​ၵူဝ်​ႁႄ​မၼ်း​လႄႈ မႆႈ​ၸႂ်​လူၺ်ႈ​လွင်ႈ​ဢၼ်​မၼ်း​တၵ်း​မႃး​တိုၵ်း​တေႃး​ယႃႉ​ပႅတ်ႈ​ၶႃႈ​ၸဝ်ႈ ဢိၵ်ႇ​တင်း​မေး​တင်း​လုၵ်ႈ​လၢင်း​တင်း​လၢႆ​ၼၼ်ႉ ၼႃႇ​လူင်​လၢင်​တီႈ​ၶႃႈ​ဢေႃႈ။