ፊል 2-ын алдартай Библийн эшлэлүүд

Хуваалцах

ዪንቲ̇ ኦቲርቂባ̈ሶ ማ̈ቃ̇ሪ ሜላ̈ን ዪንታ̇ፖ ሺዛ ማሃር ፋይዲብቴዶኬ ዪንቲ ዪንታ̇ ካሪ ዎይ “ታ̈ፖ ኣ̈ዛ ኦ̈ኖ” ጋ̈̈̈ሪ ኣባክ ፔቲ̇ባዝ ዎታፒ̇ቴ። ዪዚ ኣሲ ዎይ ፌ̈ና ማ̈ዲ̇ዝ ባዛብሙታ̇ ጊዳካ̇ይዶን ኣስ ሜላ̈ዳር ማ̈ዲ̇ዝ ባዝ ቆፖጋ̈ቤ።

ዬሱ̈ስ ክርስቶ̈ሳብ ዎ ቆፊን ዓና̇ ዪንታ̇ ጋርታ̇ር ዶኣንዳብ ኮሻ̇̈ሬ።

ዬሱ̈ስ ክርስቶ̈ሲ ኢ ፌ ቆሚ̇ን ጾ̈ስዶሪ፥ ዪኖ̇ ኢ ጾ̈ሳ̇ባራ ዎልፌ̈ን ዎንዶ “ታ̈ኒ ኣሻ̇ንዳብ ኮሻ̇ባሴ” ጋ̈ሪ ቆፓካዬ። ዪኒፖ ኢ ኣይላፌ̈ን ማ̈ቃ̇ር ቤንታ̇ሪ፥ ኣሳ ናእ ማ̈ቃ̇ር ዬሊንታ̇ሪ፤ ፌ̈ብ ዎ ባዝ ዎይ ኣሻ̇ሪ፥ ፌ̈ና ሜላ̇ ኣባክ ባዮ̇ ማ̈ሲዴ፤ ኣስ ማ̈ቃር ቤንታ̇ሪ፤ ፌ̈ና ዪርክ ዪርክ ዎቲዴ፥ ዓይቃቦ ዪ̈ዳሬ ማስቃላ ጋልዳ ዓይቃቦ ዶሳር ፌ̈ና ኣ̈ ኢሚ̇ዴ።

ኣባ ጌይን ዪንቲ̇ ኢ̈ብ ኪ̈ቲንታ̇ንፔ̈ኒ ኢ ጋ̈ዚን ኦ̈ ፎታምፔ̈ኒ ዪንታ̇ባር ማ̈ቃ̇ር ፌ ቆፊን ኦ̈ዛ̈ዲ ጾ̈ሳ̇̇̈ዳ።

ዪ̈ኮታ̇ቦ ጾ̈ሲ ኢያ ዎይሊን ሾክ̇ ሾክ̇ ዎቲዴ፤ ማ ሱም ዎይፖ ሺዝ ሱም ኢ̈ብ ኢሚ̇ዴ። ዪ̈ዳሬ ኣፎ ሳ̈ዝኬ ሳ̈ዶ̇ ሳ̈ዝ፥ ማ ሳ̈ዝ ጻና ዎን ዎይሲ፥ ዬሱ̈ሳ ሱምምቦ ቡቂንታ̇ምፔ̈ኒ ማ ኣሲ ዎይ “ዬሱ̈ሲ ጎዴ” ጌዪ ማርኪቲሙታ፥ ጾ̈ሳ̇̇̈ ባ̈ባ̈ቦ ቦንች ኢማ̇ምፔ̈ኒዬ።

ዪንቲ̇ ዎይ ባዝ ጉንዲማካ̇ይዶርኬ ዋጫካ̇ይዶር ኦ̈ብቴ። ዪ̈ዳሬ ኣባቦ ጌይን ዓ ዓታባሮ ኢ̈ት ዬሊቲ ጋርታ ዪንታ̇ ጋልዳ ማዛ ባዮ̇ ኣስ ማ̈ቃ̇ሪ ቤንታ̇ምፔ̈ንኬ ጌ̈ሽ ጾ̈ሳ̇ ናኣን ማ̈ቃ̇ሪ ዓኒ̇ ኣላሚን ጋልዳ ቤ̈ርስፌ̈ን ፎኣምፔ̈ኔ።

ቴ ላጋን! ዪንቲ ዎይ ጋላስ ኪ̈ቲንታዚንዲፌ̈ኒ፥ ቴ ዪንታ̇ባር ዎምባር ሙታ̇ ጊዳካ̇ይዶን ቴ ዓት ዪንታ̇ፖ ጎት ዎንባራር ማ̈ቂ̇ን ቲ̈ኖንፖ ሺ ጾ̈ሳ̇̇̈ብ ኢ̈ጪ̇ ጋንዲ̇ሙታ̇ ዪንታ̇ ፋቲን ፎቲ ማ̈ቃ̇ምፔ̈ን ዎቲብቴ።