അപ്പോസുത്തലാര് 20-ын алдартай Библийн эшлэлүүд

Хуваалцах

ഇത്തെ നാന് നിമാക്ക് ഗേന്ത് കാട്ടി തന്ത്‌റ്‌ക്കുവാദ്‌നാലെ നിമ്മ എല്ലാ കാര്യാത്ത്‌ല്‌മ് മ്‌ഗ്‌ന്ത പാഡ്‌പട്ട് നോയിഗാറാര്‌ന കയിതാങ്കുഡൊ. <ബാങ്കുവാദ്‌ന ബ്‌ഡ കൊഡുക്കുവാദ്‌ല്‌ത്തെ പിര്യപഡുഡൊ> എന്റ് ആണ്ടവാന് ഏസ്സ് സൊന്നാദ്‌ന മറാക്കദേന്.>>

എന്റാല്‌മ് നാന് പെ്ളേക്കുവാദൊ സാവാദൊ എനാക്ക് ദൊഡ്ഡാദല്ല. നാന് ഗേയ ബേ്ണ്ടി ഏസ്സ് ആണ്ടവാന് എനാക്ക് തന്ത്‌റ്‌ക്കുവ ഗിലാസാന ഗേന്ത് മുഡിക്കുഡൊ എന്നുവാദ്‌ത്തെ എന്ന് ഒന്റേ ഒന്റു ആസെ. സാമിക്ക് ആള്‌ഗാളോഡ ഇര്‌ക്കുവ ഗവാന പറ്റി സൊല്ലുവ നല്ല സേദിന ആള്‌ഗാള്‌ക്ക് സൊല്ലുഡൊ എന്നുവാദ്‌ത്തെ സാമി എനാക്ക് തന്ത്‌റ്‌ക്കുവ ഗിലാസ.

നിമ്മ നിമാന താനേമ് സൂസാരിത്ത് സാമിനിഗാല് നോഡി നഡാത്ത്യ ബേ്ണ്ടി നിമാക്ക് തന്ത്‌റ്‌ക്കുവ ആള്‌ഗാള്‌നാമ് നിമ്മ പാദ്‌ഗാക്കുഡൊ. ആഡ്‌മേസ്‌ന്റവാന് തന്ന് ആഡ്‌ഗാള്‌ന നോഡുവ പാസെ സാമി തന്ന് സൊന്തമഗാന് ഉജുരുന കൊഡുത്തു ബാങ്കിര്‌ക്കുവ ഏസ്സ്‌ഗാറാര് കൂട്ടന നിമ്മ നോഡി നഡാത്തുഡൊ.

സാമി നിമാന നോഡി നഡാത്ത്യ ബേ്ണ്ടി സാമി കയിക്ക്‌മ് നിമാക്ക് പ്‌ണ്ണ്യ കെ്ഡേക്കുവ തന്ന് നല്ല സേദിക്ക്‌മ് നാന് ഇന്നാല് നിമാന ഒപ്പുസുന്റെ. അത്തെ സാമിക്ക് ബേ്ണ്ടി പെ്ളേക്ക്യ നിമാക്ക് ബില കെ്ഡേക്ക്‌മ്. അദല്ലാദെ സാമി തന്ന് ആള്‌ഗാള്‌ക്ക് ഒട്ടുക്കു നല്ലാദ്‌ന കൊഡുക്കുവ പാസെ നിമാക്ക്‌മ് നല്ലാദ്‌ന തരുവാന്.