Mateo 26-ын алдартай Библийн эшлэлүүд

Хуваалцах

Ʉ̃rʉ̃ma kꞌopanadua, zhiwidꞌiudua wãẽãna ẽbaita. Marãbara wãrãne biata okrĩña bꞌea, mawũãmina kꞌakuabara bꞌe ẽã nʉmʉã.

Mawũẽ Jesúsbara mawũãsia: Mʉrã sopuaba beuita kꞌobꞌʉa, nama duanedua, mʉ bawara ʉ̃rʉ̃ma kꞌopanadua.

Mawũãpe arajĩga wãpe egoroma bꞌarru kꞌobꞌepe zhiwidꞌi mawũãsia: Mʉ Zeze, bʉma bigabʉrʉ mʉrã zuburia beubirãrũã, mawũãmina mʉã krĩñata aribꞌaerãrũã, awuarabʉrʉ bʉzha krĩñata aribꞌaedua.

Naʉ̃ mʉ wata Daizezeba zhãrã ẽdrʉbiidꞌebemata zhiwidꞌita nʉmeña, mʉrã biobari wa erezoaya, aramaʉ̃ne zhãrãta bedꞌea ne ẽã duanebiya kꞌazhiruata biodꞌeba.

Nekꞌo kꞌobꞌedꞌe Jesúsbara pan jiraedape maʉ̃bari zhiwidꞌipe bꞌʉape izha jʉrʉkuadꞌaa dedꞌekabʉrʉta mawũãsia: Jidaudua, kꞌoudua, naʉ̃ mʉ kꞌakua.

Mobebʉrʉ vino copadꞌe jiraedape maʉ̃bari Daizezea zhibia jipe dedꞌekabʉrʉta mawũãsia: Naʉ̃ta doudua jõmaʉ̃ba.

Mobebʉrʉ izha jʉrʉkuadꞌama zebʉrʉdꞌera kꞌãĩgue nʉmʉta ũdui Pedroa mawũãsia: ¿Marã mʉ bawara ʉ̃rʉ̃ma kꞌopana bꞌe ẽka hora abꞌabidꞌa?

Mʉã marãã jaraya, idꞌidꞌeuba mʉãrã naʉ̃ vino wueta do ẽã, jari ewade marã bawarauba zhiwidꞌita doyeedꞌa mʉ Zezeta Nokꞌo maẽ.

Mobebʉrʉ Pedrobara bude basia Jesúsba mawũãnata: Gallo berui nawedꞌa bʉa mʉrã ũdukꞌata jarama ũbea jaraya. Aramaʉ̃ne Pedro ãĩ wãpe jẽgasia kꞌãbãẽã sopua.

Pirabꞌariudua, wãdrʉ. Arakꞌaita ba mʉ chãbꞌariira.

Mawũẽ Jesúsbara mawũãsia: Bʉzhi kuchora wakusa edꞌa pẽũdua. Kuchoba zhõbʉdara abꞌarika kuchoba beudꞌaya.