ಯೋಹಾನೆ 16-ын алдартай Библийн эшлэлүүд

Хуваалцах

ನಿಕುಲು ಎನಡೊಪ್ಪ ಇತ್ತ್‌ದ್ ಉಡಲ್‌ದ ಸಮಾಧಾನೊನು ಪಡೆವೊಡು ಅಂದ್‌ದ್ ಈ ಸಂಗತಿಲೆನ್ ನಿಕ್ಲೆಗ್ ಪಂತೆ. ಲೋಕೊಡು ನಿಕ್ಲೆಗ್ ಸಂಕಟ ಉಂಡು, ಆಂಡ ಧೈರ್ಯೊಡುಪ್ಪುಲೆ, ಯಾನ್ ಲೋಕೊನು ಗೆಂದ್‌ದೆ,” ಪಂಡೆ.

ಸತ್ಯದ ಆತ್ಮೆ ಬನ್ನಗ ಆಯೆ ನಿಕ್ಲೆನ್ ಮಾತ ಸಂಗತಿಲೆಡ್ ಸತ್ಯೊಗು ಸೇರಾವೆ; ಆಯೆ ತನ ಸಂಗತಿಡೇ ಪಾತೆರಂದೆ ತಾನ್ ಕೇಂಡಿನ ಪಾತೆರೊಲೆನೇ ಪನ್ಪೆ, ಅತ್ತಂದೆ ದುಂಬಗ್ ಆಪಿನೆನ್ ನಿಕ್ಲೆಗ್ ತೆರಿಪಾವೆ.

ನಿಕುಲು ಇದ ಮುಟ್ಟ ಎನ ಪುದರ್‌ಡ್ ದಾಲಾ ಕೇಂಡ್ದ್‌ಜರ್, ನಟ್ಟೊನ್ಲೆ, ಅಪಗ ನಿಕ್ಲೆಗ್ ತಿಕ್ಕುಂಡು ಬೊಕ್ಕ ನಿಕ್ಲೆನ ಸಂತೋಷ ಪರಿಪೂರ್ಣ ಆಪುಂಡು.

ಆಂಡಲಾ ಯಾನ್ ನಿಕ್ಲೆಗ್ ಸತ್ಯೊನು ಪನ್ಪೆ, ಯಾನ್ ಪೋಪಿನವು ನಿಕ್ಲೆನ ಎಡ್ಡೆಗ್, ದಾಯೆ ಪಂಡ ಯಾನ್ ಪೋಯಿಜಿಡ ಆ ಆದರಿಪುನಾಯೆ ನಿಕ್ಲೆನ ಕೈತಲ್‌ ಬರ್ಪುಜೆ. ಯಾನ್ ಪೋಂಡ ಆಯನ್ ನಿಕ್ಲೆನ ಕೈತಲ್‌ ಕಡಪುಡ್ದು ಕೊರ್ಪೆ. ಆಯೆ ಬತ್ತ್‌ದ್ ಪಾಪ, ನೀತಿ, ನ್ಯಾಯತೀರ್ಪುದ ಸಂಗತಿಡ್ಲಾ ಲೋಕೊಗು ತೆರಿಪಾದ್ ಕೊರ್ಪೆ.

ಅಂಚೆನೇ ನಿಕ್ಲೆಗ್ಲಾ ಇತ್ತೆ ದುಃಖ ಉಂಡು, ಆಂಡ ಯಾನ್ ನಿಕ್ಲೆನ್ ಕುಡೊರ ತೂವೆ, ಅಪಗ ನಿಕ್ಲೆನ ಉಡಲ್‌ಗ್ ಸಂತೋಷ ಆಪುಂಡು, ಬೊಕ್ಕ ನಿಕ್ಲೆನ ಆ ಸಂತೋಷೊನು ಏರ್ಲಾ ನಿಕ್ಲೆಡ್ದ್ ದೆತ್ತ್‌ದ್ ಪಾಡಾಯೆರ್. “ಆ ದಿನೊಟು ಎನಡ ದಾಲಾ ಕೇನಯರ್. ನಿಕ್ಲೆಗ್ ನಿಜಾದ್ ಪನ್ಪೆ, ನಿಕುಲು ಅಮ್ಮೆರೆಡ ಎನ ಪುದರ್‌ಡ್ ಒವೆನ್ ಕೇನೊಂಡಲಾ ಆಯೆ ನಿಕ್ಲೆಗ್ ಕೊರ್ಪೆ.

ನಿಕ್ಲೆಗ್ ನಿಜಾದ್ ಪನ್ಪೆ, ನಿಕುಲು ಬುಲ್ತೊಂದು ಅರಬಾಯಿ ಕೊರೊಂದು ಉಪ್ಪುವರ್, ಆಂಡ ಲೋಕ ಸಂತೋಷ ಮಲ್ಪು, ನಿಕುಲು ದುಃಖೊಡು ಉಪ್ಪುವರ್. ಆಂಡ ನಿಕ್ಲೆನ ದುಃಖ ಪೋದು ನಿಕ್ಲೆಗ್ ಸಂತೋಷ ಆಪುಂಡು.