Lûk 17-ын алдартай Библийн эшлэлүүд

Хуваалцах

Ne Jisos o-raa ne onyinchéng ámu o/fu, bûu nensang a-dim. Dyityém eyên ńdyí a/fé ne me dii/chi ǒ a-nyange.

 nang mu o-chi i ǒ kyibî kampén káchâtkányi ké dyicí dyibónge, nké ké kampén ánke kamúmú mu o-bâ ng ǒ esét o/fu, byiko byi/kpú mě, pwoo mě, a-man a-pwoo ǎ.

Ké nkéré onet obónge ké burwám ebe ámbu o/ri o/fu, orwôm emen oo/man, o/bwa esim o-kpee ng Osówo o-bâ ne ejá kyíbóng kyíbóng. O-ba-myii Jisos ké byiká, o-fé bushú kyísí, o-kó ǎ asǎma. Onyinchéng ámu o/mû o/fím oshê mú badakó Samérya.

Bám m̂ byiko enen. Â wǎn-boné eyên o/chi ǒ kyibî, bîn ǎ. Â byiko byi/kpú ǎ ké kyibî emen ńkyí o/chi, pwoo ǎ.

Jisos o-raa kâng o/fu, *chí banet ashí diǐkpú nké n/chi kámbé ba-nyange*? Aa ḿbé áku ashí kátángekányi kâng.

Otu Kyítá o-faa kámbé o/fu, â dyityém ńdyí ben ba/fé ne me dyi/mû nang kaǎníngéníngê wǎ kaǎsáng-kyichí ńké badakó mósatat, ben ba-man n ekye busa ba/fu, kyichí ńkyí kyiryên kyibûu kyi-da-kwón byiko ké baya, kyi-chi to wǎ eringe nyí ba/sét.

Nang yeě nké mu o-ryú u kyi-kim ne dyikpen emen, dyikpen emen dyi/chi dyi-tánê ǎ. Nké nang yeě nké dyikpen emen dyi/tánê ǎ, o/chi o-já kándyí.

Ne Jisos o-raa kâng ne bǎmgbán emen o/fu, byěm ḿbyí byidachi banet ba-róng ké byibî byi-man byi-bâ. Nké kyi/chi kyi-bên kanong kanong ne onet mú mbyi byi-cen n ké bubwô emen ne byi-bâ. Kyi-nwa ng ńkyí badatú dyizong-onet ándyi kiimbâng-kyirim-buká ké kyitông ba-yip ǎ ba-twóp ké kafâ-baya, kyi-shwôm ńkyí odachi onet nang orá mú mu kyeekyee o-róng ké kyibî.

Eringe nyí kyi/mû ké nkéré mú Núwa, éné to nké kyi/chi kyi-kyú ké nkéré mú Wǎn-Onet. Kángkáng banet ba/mû mbe ba-ryí i byiryíng, ba-jwáp ng bato, banyinchéng ne banyinyi ba-bé ng barî, tete ké ochíchí-dyicí mú Núwa o/nung ké ńsukyíkang, ne omu o-ba-na, buce bu-sú bu-ju kámbé kángkáng.