Ebr 11-ын алдартай Библийн эшлэлүүд

Хуваалцах

Wɔ foo bɛ́ doa-n mànan mɛnɛn ganaa ke, wɔa waa bɛn la lɛ n golee Lawa li lɛa. Yii bɛ́ a ba mànan mɛnɛn ganaa wa, golee Lawa li n bɛn nyɛɛ wɔ nɛ. Bɛa golee Lawa li lɛ na á toa, Lawa siére sonbore pɛ lɛlɛdɛnan wɔ gɔn la.

A da yaa, bɛ̀ golee Lawa li bie wa, min kɔ́n ba boe la, a kɔɔ̃n kɔ Lawa ganaa wa. Sonbore, bɛ̀ min mɛn tá n mɔrɛ Lawa ganaa, bɛ doamaa nɛ a dɔ̃, mà Lawa lɛ tan, mà a n toɛ a gamali wolen nə yɛ.

Golee Lawa li n toɛ, wɔ á doɛ̃ wáa Lawa na á kanaa da ka a boo ne. Bɛ lɛ nɛ, wɔ yii bɛ́ kanaa mɛn ganaa, bɛ bie á n zɛnaa ka màn yɛ ka yii-n wole-n wa.

Golee Lawa li na á toa, Lawa bɛ́ á Abrahamu bíi ǹ mɛn waáraa, á Lawa bɔlɔ si. Lawa bɛ́ gána mɛn koe la a wɔ lɛa, á soo a ná a din a gána toa walan, á bɛa zii kũ, a da yaa a ba a woo ǹ bǎã doɛ̃ wa. Golee Lawa li na á toa, Lawa nə n lɛ kɔ la ka gána mɛn nɛ, á giã bɛ nɛ ka tii bɛ́ lɔn. Abrahamu giã mɔnaa kionən ne, kun Izaaki ni ka Zakɔba nɛ, Lawa a lɛ-kɔ ǹ sii goon kɛ lɛ bɛ́ bɛn mɛnɛn dɔn wɔ lɛa.

Golee Lawa li na á toa, Nowee Lawa a gɔn waaman kɛ si parsii lɛa. Yii bɛ́ a tɔn sii mɛn yɛ wa, Lawa na á n gɔn waa-n ka bɛ nɛ. Á goo zɛnaa a ná a kion minin kirisibaa nɛ. Dɔlɔ nə́ n bɔ kanaa ganaa, sɛnɛ, Lawa ga Nowee ganaa min pepere lɛa, a goleemali a lɛa.

Golee Lawa li na á toa, Lawa Enɔɔki saa, a ná a gã wa. Min yii yɛ doo wa, a giala, Lawa na á saa. Lawa laan bɛ̀ a n siɛ, Lawa a boo siére pɛ a wɔ gɔn la, mà á kɔɔ̃n kɔ Lawa ganaa.

Golee Lawa li na á toa, Abeli *wúlu màn mɛn bɔ á kɔ Lawa la, bɛ́ siĩn kɔ á la Kanyɛ wɔ nɛ. Bɛa golee Lawa li lɛ a lɛa nɛ, Lawa siére pɛ a wɔ gɔn la, mà min pepere ne, a giala, a din na á lɛ kɔ a bǐɛ̃ mànan lɛn ganaa. A golee Lawa li lɛ taman yii, a laanɛ á gã, a n tɔn boo diɛ.

Golee Lawa li na á toa, Abrahamu boo la á nɛ yɛ, a laanɛ á zizi kɔ, a lɔ Saaraa dɔ ná a ba boe la, a nɛ yɛ doo wa. A na á waa la, mà Lawa nə n lɛ kɔ la ka sii mɛn nɛ, mà á re bɛ zɛnɛɛ.

A giala, Abrahamu na á goã n yii diɛ, mà a golee a giã duduu ǹ kiwi yɛ, Lawa dinmaa bɛ́ kiwi mɛn a sii-zɔɔ̃li laanka a dɔle lɛa.

Golee Lawa li na á toa, Muizu bɛ́ á gole kɔ, á n piã ka kii a nɛlɔ a nɛbaa nɛ. A din na á bɔ, mà asɛ fuu yɛ kun ka Lawa a zaman kɛ nɛ, mà bɛ á soɛ asɛ nə n nyɛnyɛɛ sii baraa nɛ, biikoo boɛɛn gɔ́ɔ̃ nɛ. Lawa bɛ́ re a din a min mɛn boe diɛ, Muizu ga a ganaa, mà asɛ tɔ ziziɛ̃ bɛa lɛa, mà bɛ á naforo gole lɛa á la Ezipti gána a naforon kɛn manɛ, a giala, a yii na á goã doa-n saraa kɛ la. Golee Lawa li na á toa, á soo Ezipti gána nɛ, a ná a nyɛ́ɛ baa kii a foo-yoo kɛ-n wa. Á n foo kaka kɔ, ka n pɛ mà yii bɛ́ a Lawa mɛn yii wa, mà asɛ yii n bɛ ganaa.

Golee Lawa li na á toa, Lawa bɛ́ á n da Abrahamu gɔ́ɔ̃ li ke, Abrahamu lɛ kɔ á Izaaki kɔ wúlu màn lɛa. A na á n din zɛnaa á die a nɛgiĩ goon toto lɛ koe, a da yaa Lawa na á n lɛ kɔ a din lɛ wɔ gɔn la

Golee Lawa li na á toa, Rahabu, lɔ kɔrɔ kɛ lɛ bɔ̀n baa kun ka Lawa bɔlɔ-tiilin ni wa. A giala, á duru a ga gána ganaa wolen kɛn lɛn kũ doɛ̃.

Golee Lawa li na á toa, ǹ nə́ sawɛɛ tà kɛ kuru, ka maǹ tɔ we tán gere la, a da yaa Ezipti minin bɛ́ ǹ nə́ daa, ǹ ná a lɛn zɔɔ̃, mu bɛn kũ.

Golee Lawa li na á toa, Izirayeli minin bɛ́ ǹ nə́ Zerikoo kiwi lɛnpɛnɛ lɛawaa sɔbaa gɔ́ɔ̃ nɛ, a kungɔnɔn nə́ kaa.

Golee Lawa li na á toa, á *kiɛ̃mala ǹ zɔ́n kɛ a zɛnaa giala kɔ. Á pɛ mà ǹ mà pɛpɛsɛ̃ kiɛnlɛn ganaa, màn mɛn bɛ́ toɛ, Lawa a bɔ̀n-dali kɛ baran n gɔn da Izirayeli minin nɛgiĩ bibinaa kɔ́n ganaa wa.

Golee Lawa li na á toa, Zozɛfu bɛ́ doe a giala-nyɔmiɛ ganaa, á Izirayeli minin soo Ezipti gána-n boo da, á dí kɔ ǹ la a din wen wɔ gɔn la.

Golee Lawa li na á toa, Zakɔba bɛ́ re giɛ̃, á Lawa bǐɛ̃ bíi Zozɛfu a nɛnyaanan li. A na á Lawa nyankɔ, bɛ̀ a n doa-n a bàlà ganaa.

Golee Lawa li na á toa, Izaaki dɔ́ Lawa bǐɛ̃ bíi Zakɔba laanka Ezawu li nyɛɛnaan sii wɔ gɔn la.