YOHANA 14-ын алдартай Библийн эшлэлүүд

Хуваалцах

“Murichilanga munyi milembe. Ni milembe chianje mwene chiamuheetsanga. Shichili khuli milembe chia vandu vu mu shivala vahaananga tawe. Muvuli khunyakhana mu mioyo chienyu inoho khuria.

Yesu yamuchipa, “Ninzi injila, katoto, nende vulamu. Mundu avulakhuho utsitsanga khu Tata nakhavirili khwinzi.

Yesu yavoolela veechi veve, “Muvuli khunyakhana mu mioyo chienyu. Suuvili mu Nyasaye khandi musuuvile mwinzi khandi.

Navutswa Mukhonyani, nali Roho Mutakatifu, wa Tata aliitsa khuruma khuvirila mu lira lianje, aliitsa khumwechitsa shia shindu shiosi. Aliitsa khumwitsushitsa shia shindu shiosi shia namwechitsa.

“Mundu uhuchililanga malako kaanje, khandi akalonda neye mundu wayaanza inzi. Tata wanje aliitsa khuyaanza mundu wayaanza inzi. Khali inzi mwene niitsa khumuyaanza, nu khwimanyinya mwene khuye.”

Ninzi niitsa khureeva Tata, naye aliitsa khumuha Mukhonyani wundi, uliitsa khumenya na munyi mihika ni mihika. Neye Roho umanyinyanga katoto. Vandu voosi mu shivala shivanyala khumuhuchilila tawe, shichila vashili khumulolakhu khandi vamukorwa. Navutswa munyi mwamumanya, shichila amenyanga na munyi, khandi ali na munyi.

Niitsa khumukholela shia shindu shiosi shiamureeva khuvirila mu lira lianje, khu Mwana akhuminyi Tata. Munyala khundeva shiamwenyi shiosi khuvirila mu lira lianje, ninzi niitsa khumukholela.

“Niiva mwanyanza, muliitsa khutsililila khulonda malako kaanje.

Inzu ya Tata wanje ilimu ni viko vinyishi; nikakhavele kario, shimbele namuvoolela nzitsayo khumulombela vwiyangu tawe.

Niiva natsia khumulombela vwiyangu vwenovo, niitsa khukalukha khumuvukula khumuhila wamba nindi, khu muve khandi wamba nindi.

Tomasi yareeva Yesu, “Mwami, khwakorwa wa utsitsanga; khu khunyala khumanya ndina injila yu khutsiayo?”