MATEOS 21-ын алдартай Библийн эшлэлүүд

Хуваалцах

Su'di beek ndia boe, fo emi moken nai emi huhule-haladoi ma dalek, soona neukose emi hapun, sa'di emi mamahele.”

Boema Yesus nafa'das nae, “Tete'e ka, metema emi mamahele, ma emi dale ma ta naba'e fa soona, emi hapu tao malak hata fo leo, besa ka Au tao basan neu kaak ia boe. Ma ta ka'da ndia mesa kana fa, te lena-lenak neukose emi hapu mafa'da pupukuk ia mae, ‘Pupuku ko nei, keko fo masok leo tasi dale muu’; soona dede'ak ndia ana da'di.

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”

Boema nafa'da hataholi sila la nae, “Nai Susula Malalaok dale nana sulak nae, Manetualain nafa'da nae, ‘loke Au Uma nga soona lae Uma fo mamana huhule-haladoik.’ Tehu emi taon da'di mana bonga uma la ndunun!”

“Mafa'da Sion mae, emi Mane ma Ana mai so, te Ana beita losa fa. Dale na dale taidaek, ma Ana sa'e keledei esa, fo keledei ana esa.”

Boema Yesus nafa'das nae, “Ade emi beita lees mita hata fo nanasulak nai Susula Malalaok dale fa do? Nae leo ia: ‘Batu fo tuka uma la ta pake fan ndia, ana da'di batu makasososak so. Manetualain tatao-nono'in leondiak; Tatao nono'in ndia mana'a hiik!’ ”

Yesus nafa'da selu kasa nae, “Hu ndia de mafandendelek, emi manuu hak da'di lima eik neme Manetualain hataholi kamahehele nala mai, tehu emi hak ndia Manetualain hela fali kana, fo Ana fen leo leoina fo mana tao tunga Manetualain paleta na.