MATIUS 28-ын алдартай Библийн эшлэлүүд

Хуваалцах

Inimas ara, car e samatin samatin mamjisosey. E ow do mamkawi mammememtamey. Car doricipic juwasam, atiw juwasam, Roh Kudus juwasam, mamjiemey, wunam e ow bwi mambwimey. Caram e ow e jirmec ajirimfinas takas ji bwe, mammememtamey. Caram jakaperey. Dor join join akac car aatamemawarcimin— e asepnak jofay ajiwar ara.” Inim aeef.

Yesusam e owpu ameremef, wunam atakam aotawefen “Allah, dor e onam opas takas momomkurumam, awames capinmias takas momomkurumam, inim fakas dor emetetamfan.

E malaikatam atakam e cepes aotawefen. “Car omar arapok. Car e Yesus apowpormokom apormin ara. Ow aramat ipic salib os op acatopomfes. E nat, aram emeojaworsitor. Inimas e sumu ipic arasan opok. Er e atakam aotawefas jipu ara. Ca nat, dey! E aemamesef asan baporey.

Yesus masirin, atakam e cepes aotawefen. “Omar arapok. Ca nat, cey. E dojowow, e Galilea baysos, atakam mamotawey. Erasan ara, ar e dobi aporcemenes.” Inim aeefen.

Wunam, e Allah atakam mamtaw tugas ow awutam, e ownucuram, ajarewsiemfesen. Ar masirin, atakam aamsakamfes, wunam uang awut e tentara ow atetamfesen. Aram atakam e tentara ow aotawfesen. “Car inim atakam mamotawey. ‘Iram isi cowocemamsesmom, e Yesus mamkawi ow aapenawesmes. Wunam e asumu ipic osom atewesmes.’ Inim mameey. E gubernuram inim atakam jen ajicow, dar atakam aramat ipic aotawcomom. Inimas car bajurusem opok ara.” Inim aefesen. E tentara ow masirin, e uang atewfesen. Aram e ow, e atawfes atakam jipu aefesen. Bare, wow ajiwaram, e Yahudi ow, e atakam aatamtawmes.