1 Petrus 3-ын алдартай Библийн эшлэлүүд

Хуваалцах

Ampo' diare' behoi katuhoammu pano di Kristus, anna pakeangka'ia' situhu' ang inang sihatang pano di Dehata. Patoka lohpo'i pentimba'mu ang la untimba'ing ke ahai tau ang mangkutanaikoa' didiona panghannuammu dai' di Puang Alataala. Ampo' yaling yato di pentimba'mu pahallukoa' umpake kara ang malunä' sibaha mahempo' inaha. Noa tunne' pembabemua' pahallu mapia liu, lambi' ke ahai tau ang unsalla pembabe mapiammu aka' to pentindo'nakoa' Kristus, katämpä'anna la masili.

Aka' Puang Alataala si undakai ingkänna tau ang tuhu'-tuhu'ang pano di pa'elo'na, anna si nahingngi lolo sambayannaii. Ampo' tau ang si membabe karake, ya' napa'bali nei'.”

Ponna pemalakoa' maleke, ya' daa ang di aneanna supu kalaemu umpamaleke, hapanganna umpamahasakoa' beluhä'mu bahtu' umbelo-beloikoa' kalaemu umpake bulahang anna kaya' masuli'. Aka' yato kamalekeang ang tahpa' sohong yaling mai di inaha, hapanganna mesa bahine ang malunä' anna marota'. Dianto yatoo kamalekeang ang tontong lolo anna ang masuli' allinna di olona Puang Alataala.

Yaling di Suha' Masero aha tiuki' naoatee, ”Menna-menna ang pemala masannang anna mahasa katuhoanna pahallu undakai pa'karanna anna dai la umpasohong tula' karake bahtu' tula' bulitu'. Pahallu naboli membabe karake ampo' diare' membabe mapia. Pahallu napengkabela-belai tuho sikapiai tau senga'.

Katämpä'anna, ingkämmua' solasohong, tuhokoa' sikapiai mesa anna mesa, mesa kara anna mesa inahakoa'. Sikalemuikoa' sihapang to sisolasohong. Sikarota'ikoa' mesa anna mesa anna mahempo' inahakoa' pano di ingkänna tau. Ponna ke ahai tau ang membabe karake mating, ya' daumbala'i kakarakeang. Noa tunne' ke ahai tau ang mantändokoa', ya' daumbala'i petändo. Ampo' diare' bala'ia' yato pembabe karakenaii umpalauing behe dai' di Puang Alataala, aka' nasuhung natambaikoa' Puang Alataala mendahi to pentindo'na anna malakoa' untahimbo behe yaho mai.

Menna ang la membabe karake mating di dioa' ke membabe mapia lolokoa'?

Pahallu naboli membabe karake ampo' diare' membabe mapia. Pahallu napengkabela-belai tuho sikapiai tau senga'.

Setonganna ke naelo'i Puang Alataala, mahasa puha nei' ungngolaiingkea' kamadahhaang aka' pembabe mapianta andana ungngolaiingkea' kamadahhaang aka' pembabe karaketa.