1 Petrus 2-ын алдартай Библийн эшлэлүүд

Хуваалцах

Ampo' dioa' solasohong, puhakoa' napillei Puang Alataala. Napadahikoa' imang ang si umbabe pengkähänganna Tomarayanta. Puhamokoa' napatani mendahi petauanna ang masero lambi' naampui tubumokoa' dio. Napanoa anna malakoa' umpainsangngi ingkänna tau didiona pembabena ang ma'kuasa, aka' puhamokoa' natambai yaling mai di kamalillingang, mentama di kamabayaanna.

Kalaena Puang Yesus ang umbulle tahungkunna dosanta yaling di Kalaena naonge anna dipateii yaho di kayu sitambeng, lambi' dipabeba'ingkea' di hao mai di kakuasaanna dosa anna tuhoingkea' untuhu'i pa'elo'na Puang Alataala. Anna dianto yato bila'na ang mampabono'koa'. Dolu sinnoakoa' domba ang sähsä' lalang. Ampo' dinoa sumulemokoa' pano di to Pangkambi' ang mandakai sungnga'mu.

Dolu dakangkoa' naampui, ampo' dinoa naampuimokoa'. Dolu dake'a' ungnginsang pa'kalemunna, ampo' dinoa ungnginsammia'.

Sinnoa mesa änä' malea-leake' unnaha-naha uhai susunna indona, ya' la noa tumokoa'to dio pahallu unnaha-naha uhai susu mendehatanna, ang dai aha hau-haunna, dianto Bahtakaranna Dehata, lambi' mengkalao yato di Bahtakaranna Dehata, la sundung yato katuhoanna sungnga'mu lambi' salama'.

Oa' solasohong ang kukalemui, katuhoanta yaling inde di lino sihapangngingkea' to sule, bahtu' tau ang lempäng kale, aka' tohhoingkea' di alla'-alla'na tau ang dake' ungnginsang Dehata. Dianto anna kupakaenga'koa' kuoatee: dauntuhu'i pampemala karakena inahammu, aka' yato pampemala karake umpa'bali katuhoammu di mendehatanna. Aha tau ang dai ungnginsang Dehata anna dianto yato ang si mampakauho-uhokoa' anna ang si mantanda'koa' naoatee karake babemu. Dianto anna pahallukoa' madaka yaling di pembabemu anna malai sika naita lolo kamapiaammu. Katämpä'anna la sika naita yato pembabe mapiammu lambi' sika la umpudi Puang Alataala di allo kasuleanna.

anna mala toukoa' dio napadahi batu ang tuho ang la napake umpake'de' dasang di mendehatanna. Yaling yato di dasang la mendahikoa' imang masero ang la menomba dai' di Puang Alataala yaling di mendehatanna. Anna inde penombaammu la natahimbo Puang Alataala aka' sikentemokoa' Puang Yesus Kristus.

Dahi, solasohong, pakahaoi ingkänna hupanna kakarakeang sibaha ingkänna kara pa'bulitu' anna kakalasiang. Daumpa'kasuehe anna dauntula'-tula' tahuhu tau senga'.

Anna dioa', solasohong, maikoa' lumba Dehata, ang dipasihapang batu ang tuho. Inde batu natibe hupatau aka' sika nasanga dai kekuna. Ampo' napillei anna napakeangka' Puang Alataala mendahi batu esengang matoto' yaling di dasanna.

Setonganna kita'a' to Sahani damingkea' naposabua' dosa. Bahtuanna, beba'mingkea' aka' puhamingkea' nalahpa' Puang Alataala di hao mai di kakuasaanna dosa. Ampo' daa yato kabeba'ammu diang la umpolalang umbabe kakarakeang. Ampo' diare' tuhu'i pa'elo'na Puang Alataala, aka' inang sabua'nakoa'.

Aka' dianto indee pa'elo'na Puang Alataala, lambi' mengkalao di pembabe mapiammu damokoa' la natanda' tau ang dai ungnginsang Puang Alataala.