1 Yohanes 5-ын алдартай Библийн эшлэлүүд

Хуваалцах

Anna daingkea' la bata-bata pano di olona Puang Alataala, aka' la nahingngimingkea' ke umpalauingkea' aka-aka situhu' pa'elo'na.

Aka' tainsammia' taoatee nahingnging ingkänna palaunta, dahi la tainsang toe'a' taoatee taampuing yato palaunta.

Aka' ponna untuhu'ingke pahentana Puang Alataala, ya' takalemui tunto nei'. Anna yato pahentana dai matingngi, aka' ingkänna änä'-änä'na Puang Alataala untalo ingkänna kakarakeang yaling di lino. Kapampetahpa'ammitoo pano di Puang Yesus anna malaingkea' untalo kakarakeang.

Menna-menna tohho yaling di Änä'na Puang Alataala, tau yatoo ullambi'mi katuhoang. Ampo' menna-menna dai tohho yaling di Änä'na Puang Alataala, tau yatoo dai ullambi' katuhoang.

Oa' ingkämmu ang umpetahpa'mi sanganna Änä'na Puang Alataala, kuuki'ingkoa' yaling inde di suha' anna malai ungnginsang si'da-si'daa' ungngoatee, ”Ullambi'mang katuhoang sapano-panona.”

Tainsang taoatee menna-menna mendahing änä'-änä'na Puang Alataala, tau yatoo dang la si umbabe dosa. Ampo' pengkähänganna Pongkahana setang la nadakai lolo Änä'na Puang Alataala anna malai dai umpasähsä' lalang änä'-änä'na.