1 Yohanes 4-ын алдартай Библийн эшлэлүүд

Хуваалцах

Ke ahai pa'kalemu yaling di kalae, daingkea' la mahea'. Aka' ponna sundummi pa'kalemu yaling di kalae, dianto ang la umpa'dai kamahea'ang. Aka' daingkea' la nahoa pantahungkungang yato ang si napihki' hupatau. Dahi menna-menna mahea', tau yatoo dake' sundung pa'kalemunna yaling di kalaena.

Oa' änä'ku, dioa' dio änä'-änä'namokoa' Puang Alataala anna puhamokoa' untalo ingkänna ang unsanga kalaena nabi ampo' setonganna tadia, aka' ma'kuasa puhane' Inaha Masero ungkuasaikoa' andana yato inaha ang ungkuasai to tamampetahpa'.

Dianto anna si ma'kalemumingkea' aka' dolu puhane' Puang Alataala ungkalemuiingkea'.

Ingkämmua' solasohongku ang kukalemui, la sikalemuiingkea' mesa anna mesa aka' yato pa'kalemu yaho mai di Puang Alataala. Anna menna-menna ang si ma'kalemu, tau yatoo maleso anna änä'-änä'nai Puang Alataala anna ungnginsammi Puang Alataala.

Aka' sipa'na Puang Alataala ma'kalemu. Dahi menna-menna ang dai ungkalemui solana, tau yatoo maleso daine' ungnginsang Puang Alataala.

Aka' ang dioainte pa'kalemu tadia kita' ang ungkalemui Puang Alataala, ampo' Puang Alataala ungkalemuiingkea' anna unsuo Änä'na umbala'iingkea' dipatei lambi' mala diampungngi dosanta.

Oa' solasohongku ang kukalemui, aka' noa yato pa'kalemunna Puang Alataala pano di kita', dahi pahallu touingkea' kita' sikalemui mesa anna mesa.

Puang Alataala puha unsuo Änä' samboana mentama di lino anna malai nabeaingkea' katuhoang lambi' sapano-panona. Noantoo napaitaiingkea' pa'kalemunna pano di kita'.

Ponna aha tau mangngoatee, ”Ungkalemuiä' Puang Alataala,” ampo' ungkahiri' solana to mampetahpa', tau yatoo ma'loseng-loseng. Aka' solana ang naita anna dai nakalemui, londonanne' Puang Alataala ang dai naita.

Menna-menna mangngakui naoatee, ”Puang Yesus Dianto Änä'na Puang Alataala,” tau yatoo tohhong yaling di Puang Alataala anna Puang Alataala tohho yaling di kalaena.

Anna Diae' ang umbeaingkea' inde pahenta naoatee, ”Menna-menna ungkalemui Puang Alataala pahallu toi la ungkalemui to mampetahpa'.”

Oa' solasohongku ang kukalemui, dakoa' la si madihhi' umpetahpa' tau moi la naoatee, ”Nakuasaimä' Inaha Masero.” Aka' mai'ding ang unsanga kalaena nabi ampo' setonganna tadia kende' anna mao mampakuhu tama inde di lino. Dahi la pahallua' umpemalesoi dolu bahtu' la Inaha Maserona si'daraka Puang Alataala ungkuasaii menge mampakuhu, bahtu' la tadiaare. La malesongnga' ungngita tau ang nakuasaing Inaha Masero ke naakui naoatee, ”Puang Yesus To Dilanti' la Mepasalama' tamang inde di lino menghupatau.”

Ampo' menna-menna ang dai mangngakui, tau yatoo dai napentamai Inaha Maserona Puang Alataala, ampo' napentamaine' inahanna setang bahtu' dioatee balinna Puang Yesus Kristus. Puhangnga' unghingngi la sule inaha yatoo anna ahana suleng yaling inde di lino.