ᐊᒃᓱᑕᔅ 7-ын алдартай Библийн эшлэлүүд

Хуваалцах

ᐊᑯ ᑎᐸᔨᒋᒐᓱᐤ ᒂ ᐃᑕᑦ ᒧᓱᓴ, “ᓂᑭ ᒥᔭᐤ ᒋᔅᑕᔅ ᐊᕋᓐ ᒐᒋ ᐃᔨᒥᔅᑎᒪᔅᒃ, ᒧᔭᒻ ᐅᒋᔅᒋᐛᐃᒐᓱᐤ ᐊᔨᒧᑎᒧᐛᒋ ᓂᑦ ᐃᔨᒧᓂᔪᐤ ᐊᓂᔭ ᐃᔪᐛ᙮

ᑭᔭ ᓂᑭ ᐃᑐᑐᐛᐤ ᒐᒋ ᒥᔅᑯᔅᑎᒂᓇᑦ᙮ ᓇᒪ ᒋᑭ ᓂᑐᑕᒃ ᐊᑎᓱᐧᒄ ᒥᔅᑎ ᐊᓏᔨᒥᑲ ᑭᔭ ᐅᑦ ᐃᔨᒪ᙮ ᐊᑯ ᒐ ᐃᑐᑎᒪᓐ ᓂᓱᐧᑲᑎᓯᐅᓐ ᒪᔅᑕᔾ ᒐ ᒥᔅᑎ ᐊᓏᔨᒥᒂᐤ ᐊᓐ ᐃᒋᑉᑦ ᐃᔪᒡ, ᐊᑯ ᒐ ᒋᔅᒋᓄᑕᐃᒂᐤ ᓂᑦ ᐃᔨᒥᒡ ᐃᒋᑉᑎᒡ ᐅᒡ᙮

ᐅ ᒋ ᐃᔅᐱᔨᒐ ᐊᑯ ᐃᒋᑉᑦ ᐃᔪᒡ ᒐ ᒋᔅᒐᔨᑕᒡ, ᓂᔾ ᐅ ᑎᐸᔨᒋᒐᓱᐤ᙮”

ᒋᓴᐅᒋᒪᐤ ᒂ ᐎᓴᒪᑦ ᐅᑲᒥᓂᑐᐅᓯᒪ ᑭᔭ ᒂ ᐃᑐᑎᒥᔨᒋ ᒧᔭᒻ ᑲ ᑐᑕᒡ ᑭᔭ ᐎᔨᐛᐤ᙮ ᒂ ᐛᐱᓇᒡ ᐅᓯᔅᑲᐅᓄᐛᐛ ᑭᔭ ᒋᓇᐱᑯᒡ ᒂ ᐃᓯ ᒥᔅᑯᒋᐱᔨᒋ, ᒥᒄ ᐊᕋᓐ ᐅ ᒋᓇᐱᑯᒪ ᑲ ᑯᒋᐱᔭᔨᒋ ᐊᓂᔭ ᑯᑎᑲ ᒋᓇᐱᒂ᙮

ᑎᐸᔨᒋᒐᓱᐤ ᐃᔅᒋᔄᐤ, “ᐊᑯ ᒐᔅᒐᔨᑎᒥᓐ ᐊᐛᓐ ᐊᓐ ᐎᔾ ᐊᓂᔭ ᒐᒂᔪᐤ ᒐ ᐃᑐᑕᐧᒃ ᐅᒡ: ᐅ ᓂᓯᔅᑲᐅᓐ ᐅᒡ ᓂᑭ ᑕᐧᑲᑭᒪᐊᓐ ᓇᐃᔭᓪ ᓯᐱᔾ, ᐊᑯ ᒥᐧᑯᒡ ᒐ ᐃᓯᓇᒂᒡ᙮

“ᐃᑎᑕᒂ ᒋᓴᐅᒋᒪᐤ, ‘ᒐ ᐃᑐᑎᒪᒄ ᒪᒥᔅᑲᒡ ᐃᑐᐅᓐ,’ ᒐ ᐃᑎᑦ ᐊᕋᓐ, ‘ᐅᑎᓇ ᒋᓯᔅᑲᐅᓐ ᑭᔭ ᒐ ᐛᐱᓂᒥᓐ ᐊᓐᑕ ᓂᑲᓐ ᐊᑕᑦ ᒋᓴᐅᒋᒪᐤ ᐊᑯ ᒋᓇᐱᑯᒡ ᒐ ᐃᓯ ᒥᔅᑯᒋᐱᔨᒡ᙮’ ” ᐊᑯ ᒧᓱᔅ ᑭᔭ ᐊᕋᓐ ᒂ ᓂᑐᐛᐱᒪᒡ ᒋᓴᐅᒋᒪᐛ, ᒂ ᑐᑕᒡ ᑲ ᐃᑎᓱᒪᑯᒡ ᑎᐸᔨᒋᒐᓱᐛ᙮ ᐊᕋᓐ ᒂ ᐛᐱᓇᐧᒃ ᐅᓯᔅᑲᐅᓐ ᐊᓐᑕ ᓂᑲᓄᒡ ᑭᔭ ᒋᓇᐱᑯᒡ ᒂ ᐃᓯ ᒥᔅᑯᒋᐱᔨᒡ᙮